ԵՐԵՎՍՆ, 14 հունիսի./Նովոստի–Արմենիա/. Հռոմի Ֆրանցիսկոս պապը կարծում է, որ աշխարհում երրորդ համաշխարհային պատերազմ է հայտարարված։
«Մի քանի տարի առաջ մտքովս անցավ ասել, որ մենք երրորդ համաշխարհային պատերազմն ապրում ենք մաս-մաս։ Այսօր, կարծում եմ, հայտարարվեց երրորդ համաշխարհային պատերազմը»,- ասել է Հռոմի Ֆրանցիսկոս պապը, գրում է
gazeta.ru-ն՝ հղում անելով La Stampa թերթին։
Նրա խոսքով՝ պետք է մտածել, թե ինչ է կատարվում մարդկության հետ, «որը վերապրել է երեք համաշխարհային պատերազմ մեկ դարում»։
Նա հիշեցրել է Աֆրիկայի որոշ շրջաններում շարունակվող պատերազմները, ինչպես նաև 25 տարի առաջ Ռուանդայի պատերազմը։ Պոնտիֆիկոսը ևս մեկ անգամ ընդգծել է, որ աշխարհը գտնվում է պատերազմական իրավիճակում։
Ավելի վաղ ՌԴ ԱԳՆ պաշտոնական ներկայացուցիչ Ալեքսեյ Պարամոնովը հայտարարել է, որ Մոսկվան ողջունում է Վատիկանի միջնորդային ջանքերն Ուկրաինայի հակամարտության հարցում։–0–