ԵՐԵՎԱՆ, 29 ապրիլի․ /Նովոստի-Արմենիա/․ Հարավային Կորեայի զինված ուժերի և ազգային հետախուզության ղեկավարները կարծում են, որ Հյուսիսային Կորեայի առաջնորդ Կիմ Չեն Ընը, սովորականի պես, զբաղվում է պետական գործերով, չնայած նրա առողջական խնդիրների մասին լուրերին, հայտնում է «Ինտերֆաքս» -ը՝ հղում անելով «Yonhap» գործակալությանը:
«ԿԺԴՀ ղեկավարի առողջության վերաբերյալ Ազգային ժողովի պաշտպանության հանձնաժողովի որոշ օրենսդիրների հարցերին ի պատասխան՝ Պաշտպանության նախարարությունը, աշխատակազմի միացյալ շտաբերը և հետախուզական մարմինը ասել են, որ իրենց գնահատականով, Կիմ Չեն Ընը, սովորականի պես, ղեկավարում է երկիրը», - մեջբերում է իր աղբյուրներին «Yonhap»-ը:
Հյուսիսային Կորեայի պետական ԶԼՄ-ները վերջերս հրապարակել էին նոր հաղորդագրություններ Կիմ Չեն Ընի գործունեության վերաբերյալ, օրինակ ՝ դիվանագիտական նամակներ ուղարկելու և պատվավոր քաղաքացիներին նվերներ փոխանցելու մասին: Ընդ որում, ԶԼՄ-ներում Հյուսիսային Կորեայի առաջնորդի նոր լուսանկարներ չեն հայտնվել:
Загружается новость ... "Лево"
Կիմ Չեն Ընը վերջին անգամ հայտնվել է հասարակության մեջ՝ ապրիլի 11-ին, իշխող ԿԺԴՀ Աշխատավորական կուսակցության քաղբյուրոյի նիստում, որը հիմք է տվել նրա լուրջ հիվանդության կամ նույնիսկ մահվան մասին շահարկումներին: Այս լուրերը զարգացել են այն պատճառով, որ ապրիլի 15-ին իր կառավարման օրոք առաջին անգամ նա բաց է թողել ԿԺԴՀ հիմնադիր Կիմ Իր Սենի ծննդյան արարողությունը:
ԱՄՆ նախագահ Դոնալդ Թրամփը պնդում էր, որ «բավականին ճշգրիտ պատկերացում ունի» Կիմ Չեն Ընի գործերի մասին, բայց հրաժարվել է մանրամասներ հայտնել: Պաշտոնական Սեուլը նույնպես պնդում էր, որ Հյուսիսային Կորեայում ոչ մի արտառոց բան տեղի չի ունենում: Կրեմլը միայն հայտարարեց, որ իրենք պաշտոնական տեղեկություն չունեն ԿԺԴՀ առաջնորդի առողջական վիճակի մասին:
Սակայն այս ամսվա սկզբին Հյուսիսային Կորեայի Գերագույն ժողովրդական ժողովի վերջին հանդիպման վերաբերյալ վերլուծական զեկույցում, Հարավային Կորեայի խորհրդարանի հետազոտական ծառայությունները նշում են, որ Հյուսիսային Կորեայի առաջնորդի կրտսեր քույրը՝ Կիմ Յո Չժոնը, վերջերս ավելի ու ավելի մեծ ազդեցություն է ձեռք բերում Փհենյանում: Սա հիմք է տալիս ենթադրելու, որ նա կփոխարինի իր եղբորը, եթե հաստատվեն այն լուրերը, որ Կիմ Չեն Ընը գտնվում է վատ վիճակում:
Միաժամանակ, մի անգամ արդեն՝ 2014-ին Կիմ Չեն Ընը մեկ ամսից ավելի անհետացել էր հասարակության աչքից: Ինչից հետո, նա հայտնվեց ձեռնափայտով: Այնուհետև հարավկորեական հետախուզությունը հաղորդեց, որ նրա ոտնաթաթից բուշտ են հեռացրել: -0-
