ԵՐԵՎԱՆ, 13 հոկտեմբերի./Նովոստի–Արմենիա/. Գրոզնիի Օկտյաբրսկի շրջանում հատուկ օպերացիայի ժամանակ ոչնչացված ահաբեկիչները Չեչնիա էին եկել Սիրիայից` ահաբեկչություններ կազմակերպելու համար։ Այս մասին Telegram–ի իր ալիքում հայտնել է Չեչնիայի ղեկավար Ռամզան Կադիրովը, հաղորդում է
ՏԱՍՍ–ը։
Загружается новость ... "Лево"
«Վերջին շրջանում այդ «շեյթանները» փախուստի մեջ էին Ռուսաստանի սահմաններից դուրս, թաքնվում էին Սիրիայում և մյուս երկրներում։ Հիմա, մերժում ստանալով իրենց արևմտյան հովանավորներից, նրանք վերադարձել են և որոշել կազմակերպել մի շարք ահաբեկչություններ», – գրել է Կադիրովը։
Նրա խոսքով, գրոհայինները վաղուց հաշվառված էին օպերատիվ բազայում և գտնվում էին հետախուզման մեջ։ Կադիրովը նաև հրապարակել է ոչնչացվածների տվյալները։
Նրանցից երեքը ծնունդով Գրոզնիից են, գրանցված են Չեչնիայի Հանրապետությունում, չորրորդը ևս գրանցված է Չեչնիայում, նրա ծննդյան վայրի մասին տվյալները չեն ներկայացվում։–0–