ԵՐԵՎԱՆ, 18 դեկտեմբերի./Նովոստի–Արմենիա/. Ադրբեջանը կփակի ցամաքային սահմանը Ռուսաստանի հետ մինչև 2021թ.–ի մարտի 1–ը երկու երկրներում կորոնավիրուսով վարակվածների թվի ավելացման պատճառով, հաղորդում է
ՏԱՍՍ–ը` հղում անելով Մոսկվայում Ադրբեջանի դեսպանատանը։
Загружается новость ... "Лево"
«Ինչպես Ռուսաստանում, այնպես էլ Ադրբեջանում կորոնավիրուսով վարակված մարդկանց թվի կտրուկ աճի, ինչպես նաև մեր երկրում կարանտինային խիստ միջոցառումների ներդրման կապակցությամբ Ռուսաստանի Դաշնության (Դաղստանի Հանրապետություն) և Ադրբեջանի Հանրապետության միջև ցամաքային պետական սահմանը քաղաքացիների անցնման համար կփակվի մինչև 2021թ.–ի մարտի 1–ը», – նշել են դեսպանատնից։
Ադրբեջանում կորոնավիրուսի համավարակի սկզբից ի վեր` կորոնավիրուսով վարակվել է 195 422 մարդ։
Ռուսաստանում, կորոնավիրուսի դեմ պայքարի դաշնային օպերատիվ շտաբի տվյալներով, գրանցվել է կորոնավիրուսով վարակման 2 791 220 դեպք, առողջացել է 2 228 633 մարդ, մահացել է 49 762 մարդ։–0–