«Քարդաշյանների ընտանիքը» ռեալիթի շոուն եթեր չի հեռարձակվի Քանյե Ուեսթի հոգեկան խանգարման պատճառով

ԵՐԵՎԱՆ, 29 նոյեմբերի. /Նովոստի–Արմենիա/. Աստղային ընտանիքին և մասնավորապես Քիմ Քարդաշյանին մեծ համբավ բերած «Քարդաշյանների ընտանիքը» ("Keeping Up with the Kardashians") ռեալիթի շոուն այլև չի ցուցադրվի։ Այն անդադար եթեր է հեռարձակվել 2007 թ.–ից և ներկայացրել է ընտանիքի առօրյան ու տոնական օրերը։ Սակայն հիմա շոուն կդադարի, և հայտնի չէ, թե երբ կրկին կցուցադրվի։

Ինչպես հաղորդում է kp.ru–ն, հղում անելով TMZ.com–ին, նոր սերիաների նկարահանումները դադարեցվել են։ Պատճառը Քիմի ամուսնու` Քանյե Ուեսթի հիվանդությունն է, ով հոսպիտալացվել է «հոգեկան խանգարում» ախտորոշմամբ։

Քանյե Ուեսթին հյուծվածության են հասցրել Քիմ Քարդաշյանի մասնակցությամբ գիշերային մղձավանջները>>

Աստղային ընտանիքը դադարել է նկարահանվել ռեալիթի շոում դեռ հոկտեմբերի 3–ից, երբ Փարիզի հյուրանոցներից մեկում հարձակում էր կազմակերպվել Քիմի նկատմամբ։ Այս ընթացքում եթեր էին հեռարձակվում նախօրոք նկարահանված հին սերիաները։ Եվ հիմա, երբ Քանյեն հայտնվել է հիվանդանոցում, նրա կինն ընդհանրապես ցանկություն չունի իր կյանքը ներկայացնելու հանրությանը։ Ենթադրվում է, որ նկարահանումները չեն վերսկսվի մինչև տարեվերջ, իսկ, միգուցե, դրանց դադարը շատ ավելի երկար տևի։

Քիմ Քարդաշյանը երեխաների հետ տեղափոխվել է մոր մոտ>>
 
Հիմա Քանյե Ուեսթը գտնվում է Կալիֆոռնիայի համալսարանին կից գործող Ռոնալդ Ռեյգանի անվան բժշկական կենտրոնում։ Նա շատ ավելի վատ վիճակում է, քան ենթադրվում էր ավելի վաղ։ Պաշտոնական տվյալներով, ռեփերը հոսպիտալացվել է գերհոգնածության և նյարդային հյուծվածության հետևանքով։ Սակայն ավելի ուշ նրա մոտ ախտորոշվել է պարանոյա, որը շարունակում է խորանալ։ Քանյեն կասկածամտությամբ է վերաբերվում հիվանդանոցի սպասարկող անձնակազմին և նույնիսկ թույլ չի տալիս բժիշկներին դիպչել իրեն։ Ենթադրվում էր, որ նրան թույլ կտան տանը անցկացնել տոները` Գովաբանության օրը, սակայն նրա վիճակն այնքան վատ է եղել, որ բժիշկները ստիպված էին նրան պահել հիվանդանոցում` վերահսկողության տակ։ Աղբյուրների խոսքերով, Քիմն անընդհատ տեսակցում է ամուսնուն և իրեն պահում է օրինակելի կնոջ նման։

Քանյեն հոսպիտալացվել էր նախորդ շաբաթ նյարդային խանգարման հետևանքով։ Նա հարձակվել էր մարզասրահի սպասարկող անձնակազմի վրա, և Ուեսթի հոգեբույժ Մայքլ Ֆարզամը բուժօգնություն էր կանչել։–0–