ԵՐԵՎԱՆ, 19 սեպտեմբերի. /Նովոստի–Արմենիա/. Հայաստանը տնտեսական և ներդրումային մեծ կանոնավոր համաժողով կանցկացնի 2018 թվականի աշնանը, ասաց Հայաստանի վարչապետ Կարեն Կարապետյանը Հայաստան–Սփյուռք վեցերորդ համաժողովի ընթացքում։
Կարապետյանի խոսքով, սփյուռքի հետ համատեղ աշխատանքն ընդլայնելու համար անհրաժեշտ է հարաբերությունները տեղափոխել ավելի կառուցողական և առարկայական հարթություն, որ հնարավոր լինի օգտագործել առկա մեծ ներուժը։
«Մենք էական առավելություն ունենք, քանի որ սփյուռքահայության ներկայացուցիչները քաջ գիտակցում են, թե ինչ է սպասում օտարերկրյա ներդրողներին (Հայաստանում) և կարող են օգնել մեզ այդ հարցում»,– ասաց Կարապետյանը։
Այդ խնդրի լավագույն լուծումը, վարչապետի կարծիքով, տարբեր ձևաչափերով գործակցության խորացումն ու առարկայական ծրագրերի քննարկումն է։
Загружается новость ...
"Право"
Դրա համար, նրա խոսքով, կառավարությունն 2018 թվականի աշնանը ծրագրում է տնտեսական և ներդրումային մեծ համաժողով անցկացնել, որի հարթակում ծրագրվում է քննարկել երկրի ապագան, զարգացման տեսլականը։ Համաժողովի ընթացքում կներկայացվեն արդեն իրականացվող և ծրագրված ծրագրեր, գործակցության հնարավորություններն ինչպես մասնավոր հատվածի, այնպես էլ պետա–մասնավոր համագործակցության ձևաչափով։
Նա միաժամանակ նշեց, որ համաժողովը ծրագրվում է ամենամյա դարձնել։
«Հայաստանը և Սփյուռքը ամբողջություն մասեր են, որոնք միավորվում են պատմությամբ և ճակատագրով։ Մենք չունենք ուրիշ ելք, քան բարեկեցիկ և բարգավաճ հայրենիք կառուցելը։ Միավորումը թույլ կտա ամրապնդել մեր եկրրի դիրքերը և առաջ մղել իր շահերը։ Բոլոր հայամետ նախաձեռնությունները, անկախ նրանից, որտեղ են դրանք անցկացվում և ում կողմից են նախաձեռնված, պետք կապված լինեն Հայաստանի հետ, և ֆորումը կօգնի այդ հարցում», – ասել է Կարապետյանը։
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը, որը կտևի մինչև սեպտեմբերի 20–ը։ Համաժողովը նվիրված է Հայաստանի Առաջին հանրապետության հռչակմանը և մայիսյան հերոսամարտերի 100–ամյակին, ինչպես նաև «Էրեբունի–Երևան 2800» տոնին։