Հայ–թուրքական սահմանի բացումը կբերի տնտեսական զարգացման, աշխատատեղերի ստեղծման. ՔՊ–ական պատգամավոր (ՎԻԴԵՈ)

ԵՐԵՎԱՆ, 10 մայիսի./Նովոստի–Արմենիա/. Հայ–թուրքական սահմանի բացումը կբերի տնտեսական զարգացման, աշխատատեղերի ստեղծման։ Այս մասին հայտարարեց ՔՊ–ական պատգամավոր Գևորգ Պապոյանն այսօր ԱԺ–ում։

«Մեր ներհանրային կանքում շատ է քննարկվում` արդյոք Հայաստանին ձեռք է տալիս, որ բացվի հայ–թուրքական սահմանը, թե ոչ։ Եթե Հայաստանին ձեռք չտա հայ–թուրքական սահմանի բացումը. և դա ձեռք տա Թուրքիային միայն, Թուրքիան հայ–թուրքական սահմանը կբացվի հինգ վայրկյանում, որովհետև Հայաստանը չի փակել սահմանը, Հայաստանը միշտ բաց է պահել սահմանը։ Հայաստան–Թուրքիա սահմանը փակել է Թուրքիան, որովհետև դրանով Հայաստանին տնտեսապես ճնշում է, և դրա մասին իրենք երբեք չեն թաքցրել և դրանով իրենք աջակցում են Ադրբեջանին», – ասաց Պապոյանը։

Նրա խոսքով, այն նարատիվը, որ հայ–թուրքական սահմանի բացումը Հայաստանի համար ինչ–որ «ապոկալիպտիկ» հետևանքներ է ունենալու, պարզապես ծիծաղելի է։

«Դա որևէ առնչություն չունի իրականության հետ։ Հայ–թուրքական սահմանի բացումը կբերի Հայաստանի տնտեսական զարգացման, աշխատատեղերի ստեղծման, բիզնեսների զարգացման, հարկերի ավելացման, մարդկանց սոցիալական վիճակի էական լավացման», – ասաց պատգամավորը։–0–