ԵՐԵՎԱՆ, 5 օգոստոսի./Նովոստի-Արմենիա/. Եվրասիական զարգացման բանկը (ԵԱԶԲ) Հայաստանում կֆինանսավորի մոտ 100մլն դոլարի նախագծեր: Համագործակցության մասին համապատասխան փաստաթղթերը ստորագրվել են Երևանում օգոստոսի 4-5-ը, հաղորդում է
«ԱՌԿԱ» տնտեսական լրատվության գործակալությունը:
Առաջին համաձայնագրով նախատեսվում է ԵԱԶԲ-ի կողմից 30մլն դոլարի տրամադրում «Տաշիր» ընկերությունների խմբին Հայաստանում կառավարման միջազգային չափորոշիչներ և էհաշվառման ավտոմատացված համակարգեր ներդնելու համար:
«Նյու Էներջի» ընկերությունների խմբի հետ ստորագրած երկրորդ համաձայնագրով, ԵԱԶԲ-ն կտրամադրի մինչև 37մլն դոլար մինչև 65 ՄՎտ ընդհանուր հզորությամբ 11 արևայի էլեկտրակայանների կառուցման ֆինանսավորմանը: Նրանք կտեղակայվեն Գեղարքունիքի և Արագածոտնի մարզերում:
ԵԱԶԲ նախագահ Նիկոլայ Պոդգուզովի, էկոնոմիկայի նախարար Վահան Քերոբյանի և «Երեմյան Փրոջեքթս» ընկերությունների խմբի տնօրեն Դավիթ Երեմյանի կողմից ստորագրած երրորդ համաձայնագիրն ուղղված է Հայաստանի ագրոարդյունաբերական ոլորտում պարենային անվտանգության և կայուն տնտեսական զարգացման ապահովմանը: Այդ նպատակներով բանկը կուղղի 25մլն դոլար:
ԵԱԶԲ-ի նախագծերը Հայաստանում
2009թ.-ից, երբ Հայաստանը դարձավ ԵԱԶԲ մասնակից երկիր, Բանկը հանրապետությունում իրականացրել է ընդհանուր 420մլն դոլարի 20 նախագիծ: ԵԱԶԲ ընթացիկ ներդրումային պորտֆելում մասնաբաժնով Հայաստանը փոքր տնտեսություններ ունեցող մասնակից երկրների շրջանում զբաղեցնում է առաջին տեղը՝ 5,1% կամ 221 մլն դոլար: Այս ցուցանիշն ունի վստահ աճի միտում: