ԵՐԵՎԱՆ, 10 մայիսի./Նովոստի-Արմենիա/. Մարդիկ սովորաբար լարվում են նոր և անսովոր երևույթներից: Բավական է միայն հիշել, թե պլաստիկ քարտերի քանի օրինակ է վնասվել մինչև մարդիկ սկսեցին նորմալ օգտվել դրանցից, իսկ ինչ վեճեր են եղել սմարթֆոնի միջոցով անհպում վճարումների անվտանգության շուրջ: Սա մարդկանց բնական արձագանքն է, երբ առաջին անգամ են առնչվում ինչ-որ նոր բանի հետ:
Նույն իրավիճակն է ստեղծվում, երբ մարդն իր առաջին քայլերն է կատարում կրիպտոարժույթի աշխարհում: Հիշում եմ անհանգստությունս, երբ առաջին անգամ ձեռք էի բերում USDT, ամեն կոճակ սեղմելը, ամեն քայլն ուղեկցվում էր խուճապով, վախենում էի, որ ինչ-որ բան սխալ կանեմ և գումար կկորցնեմ: Ժամանակի ընթացքում այդ բոլոր գործողությունները սկսեցի կատարել մկանների հիշողության մակարդակի վրա, վախն ամբողջությամբ անհետացավ, քանի որ դա կոմունալները վճարելու նման հեշտ գործողություն է:Կրիպտոարժույթ կարելի է գնել կամ բորսայում՝ ինքնուրույն, կամ բրոքերների միջոցով: Երկրորդ տարբերակը չենք էլ դիտարկում, քանի որ այստեղ ճիշտ բրոքեր ընտրելու հարց է առաջանում: Բացի այդ, բրոքերներն իրենց աշխատանքի համար գանձում են բարձր տոկոսներ, ինչը ձեռնտու չէ, քանի որ այդ բոլոր գործողությունները կարող եք հեշտությամբ ինքնուրույն կատարել:
Սկզբում պետք է App Store-ից կամ Play Market-ից ներբեռնել Bybit հավելվածը, գրանցվել բորսայում: Ավելի շատ գործողություններ կատարելու համար ավելի լավ է անցնել նույնականացում, պետք է պարզապես ունենալ անձնագիր:
Գրանցվելուց հետո պետք է մտածել կրիպտոներդրման առաջին քայլերի մասին: Կրիպտոարժույթի շուկա մուտք գործելու ամենապարզ միջոցը սպոտային առևտուրն է, որը նախատեսում է ֆիատ փողերի սովորական փոխանակում (դա փող է, որն ապահովված չէ որևէ թանկարժեք մետաղով) կրիպտոարժույթով կամ մեկ կրիպտոարժույթի փոխանակում մյուսով:
Bybit-ում առևտուրը կատարվում է կրիպտոարժույթներով, այդ պատճառով առևտուր սկսելուց առաջ անհրաժեշտ է միջոցները փոխանակել կրիպտոարժույթի: Խորհուրդ է տրվում սկզբում ձեռք բերել USDT, դա դոլարի թվային տարբերակն է, այն ունիվերսալ գործիք է շուկայում հետագա գործողություններ կատարելու համար:
Դա կարելի է անել հենց հավելվածում՝ սեղմելով «Գնել կրիպտոարժույթ» կոճակը և ձեռք բերել USDT ֆիատ միջոցներով: Պետք է հիշել, որ Bybit-ն ուղղակիորեն չի մշակում ֆիատ դեպոզիտները, ծառայությունն ամբողջությամբ մշակվում է վճարումների կողմնակի ծառայությունների կողմից: Պարզապես ընտրեք առավել ձեռնտու առաջարկն ու գնեք կրիպտոարժույթ, որն արդեն կլինի ձեր էլեկտրոնային դրամապանակում:
Այս քայլերից հետո դուք ձեռք եք բերում ձեր առաջին կրիպտոարժույթը: Բայց մեր նպատակը կրիպտոարժույթի ակտիվները սառեցնելը չէ: Մենք ուզում ենք ներդրում կատարել և գումար աշխատել: Դրա համար Bybit հավելվածում բացում ենք «Առուվաճառք» ներդիրն ու տեսնում ենք, որ այնտեղ կան ավելի քան 230 առևտրային զույգեր՝ ամենահայտնի մետաղադրամներով:
Եվ հենց այստեղ պետք է ուշադիր լինել և հիշել ֆինանսական ռիսկերի մասին, որոնք պարունակում են գործարքները: Պետք չէ ներդրում կատարել առաջին պատահածի մեջ: Անհրաժեշտ է մանրամասն ուսումնասիրել:
Պետք է գոնե ընթերցել կրիպտոնախագծի White Paper-ը, դա ուղեցույց է կամ հաշվետվություն, որտեղ նկարագրված է այն ամենն, ինչ պետք է իմանալ այդ արժույթի մասին: Այնտեղ մանրամասն ներկայացված է կոնկրետ կրիպտոարժույթի փիլիսոփայությունն ու դրա աշխատանքի մեխանիզմը:
Այնուհետև պետք է մշակել առևտրային ռազմավարություն, որին անհրաժեշտ է հստակ հետևել: Թույլ մի տվեք, որպեսզի էմոցիաները կառավարեն ձեր որոշումները: Սկսնակները հաճախ ներդրում են կատարում փոփոխական կրիպտոարժույթների մեջ «FOMO»-ի պատճառով (Fear Of Missing Out, բաց թողնված օգուտի համախտանիշ): Որոշումներ ընդունելիս սթափ ուղեղն ապագա հաջողության երաշխիքներից է:
Երբ կողմնորոշվեք, թե որ նախագծում եք ներդրում կատարելու, արդեն կարելի է անցնել ֆինանսական գործարքին և տեղադրել գնման պատվերը:
Գնում կատարելիս պետք չէ մոռանալ միջնորդավճարի մասին: Bybit-ում սպոտային առևտրի միջնորդավճարներն են.
- մեյքերի միջնորդավճար = 0.1%
- «վերցնողի» միջնորդավճար = 0.1%
Միջնորդավճարը հաշվարկելու բանաձև.
Սպոտի միջնորդավճարը = կատարված պատվերների քանակը x միջնորդավճարի տոկոսադրույքով:
Պետք է հաշվի առնել, որ միջնորդավճարը
գանձվում է ձեռք բերվող կրիպտոարժույթով և չի գանձվում պատվերի չկատարման կամ չեղարկման
դեպքում:-0-
