ԵՐԵՎԱՆ, 13 մարտի./Նովոստի–Արմենիա/. «AliExpress Ռուսաստան» կազմակերպությունը պատրաստակամություն է հայտնել ընդլայնել իր գործունեությունը Հայաստանում՝ նպաստելով ՓՄՁ-ների արտադրանքի արտահանման աճին:
Այս մասին հայտարարվել է ՀՀ փոխվարչապետ Մհեր Գրիգորյանի և «AliExpress Ռուսաստան» կազմակերպության ղեկավարների հետ հանդիպման ժամանակ։
Ինչպես հաղորդում է ՀՀ կառավարության մամուլի ծառայությունը, հանդիպման սկզբում «AliExpress Ռուսաստան» կազմակերպության գլխավոր գործադիր տնօրեն Դմիտրի Սերգեևը ներկայացրել է իրենց գործունեության հիմնական ուղղությունները և սկզբունքները:
Քննարկվել է ժամանակակից պայմաններում էլեկտրոնային առևտրի զարգացման կարևորությունը՝ հաշվի առնելով անկանխիկ գործառնության ընդլայնման անհրաժեշտությունը:
Կազմակերպության ներկայացուցիչները պատրաստակամություն են հայտնել ընդլայնելու իրենց գործունեությունը Հայաստանում՝ նպաստելով ՓՄՁ-ների արտադրանքի արտահանման աճին:
Անդրադարձ է կատարվել էլեկտրոնային առևտրի ընդլայնման տեսանկյունից Հայաստանի ներուժին և հայաստանյան կազմակերպությունների հետ համագործակցության հնարավորություններին:
Զրուցակիցները մտքեր են փոխանակել առավել արդյունավետ լոգիստիկ լուծումների մշակման հեռանկարի շուրջ:–0–
Այս մասին ԿԲ–ից հայտնել են` ի պատասխան հարցմանը, որը վերաբերում է Հայաստանի տնտեսության աճի կանխատեսման չնախատեսված վերանայման հավանականությանը էկոնոմիկայի նախարար Վահան Քերոբյանի հայտարարության կապակցությամբ
Սոցցանցերում և հայկական ԶԼՄ-ներում տեղեկատվություն է հայտնվել, որ «Мир»-ի քարտապանները բախվել են դժվարությունների հետ որոշ բանկերի բանկոմատներում գումար կանխիկացնելիս
