ԱՄՆ պետդեպարտամենտը 641,000 դոլար կտրամադրի Հայաստանում «ժողովրդավարության մշակույթ» զարգացնելուն

ԵՐԵՎԱՆ, 13 փետրվարի. /Նովոստի-Արմենիա/. ԱՄՆ պետդեպարտամենտի ժողովրդավարության, մարդու իրավունքների և աշխատանքային հարաբերությունների բյուրոն նախատեսում է ավելի քան 641,000 դոլար հատկացնել ՝ Հայաստանում «ժողովրդավարության մշակույթ» զարգացնելու համար: Այս մասին ասվում է ԱՄՆ-ի արտաքին գործերի նախարարության պաշտոնական կայքում :

Ծրագրի ֆինանսական աջակցության հիմնական նպատակը լինելու է ժողովրդավարության մշակույթի խթանումը` Հայաստանի քաղաքացիական հասարակության աջակցության շնորհիվ:
«Այս ծրագրի նպատակն է զարգացնել Հայաստանի քաղաքացիական հասարակության ունակությունը ապատեղեկատվություն հայտնաբերելու, դրա տարածումը ճնշելու և դրա ազդեցությունը մեղմելու համար», - ասվում է Պետդեպարտամենտի փաստաթղթում:

Ծրագրի շրջանակներում մասնագետները կարող են ՀՀ քաղաքացիներին սովորեցնել տեղեկատվական անվտանգության հիմունքները, որպեսզի նրանք կարողանան պաշտպանվել համացանցում հարձակումներից : Նաև ծրագրի ասպեկտներից մեկը կարող է լինել ճշմարտությանը չհամապատասխանող տվյալների առկայությունը ստուգելու նպատակով տեղական ԶԼՄ-ներին հետևելն ու մոնիտորինգ իրականացնելը:

Ենթադրվում է, որ ծրագիրը ուղղված կլինի «ապատեղեկատվության վերաբերյալ հայ հասարակության տեղեկացվածության մակարդակի բարձրացմանը և դրա դեմ պայքարի մատչելի գործիքներին»:

Նշվում է, որ ծրագիրը կտևի 18-ից 24 ամիս, իսկ դրամաշնորհի ճշգրիտ գումարը կկազմի 641.975 դոլար: -0-