Հարկային մարմինները կալանք են դրել «Աշտարակ կաթի» արտադրանքի վրա

ԵՐԵՎԱՆ, 27 հունվարի./Նովոստի–Արմենիա/. Կաթնամթերքի արտադրությամբ զբաղվող «Աշտարակ կաթ» ընկերությունում առկա խնդիրները դեռ չեն լուծվել, գրում է «Ժամանակը»։

«Թեև գործարանը նոր սեփականատեր ունի, սակայն գործարանի ու հարկային մարմինների ջուրը նույն առվով չի հոսում», – նշում են հոդվածի հեղինակները։

Թերթի տեղեկություններով, հարկային մարմինները կալանք են դրել գործարանի արտադրանքի վրա։

«Գործարանը պարտքեր ունի կուտակած, սակայն, հիմա արգելանքի պատճառով չի կարողանում իրացնել արտադրանքը ու մարել պարտքերը», – գրում է թերթը։–0–