420.79
4.21
388.47
+10
Եղանակը Երևանում
Հայ

Հայկական տարազի տոնն Արցախում. Ստեփանակերտը գունազարդվել էր տարազային երանգներով (ԼՈՒՍԱՆԿԱՐՆԵՐ)

18:15
07 Օգոստոսի 2016
ԵՐԵՎԱՆ, 7 օգոստոսի. /Նովոստի-Արմենիա/. Լեռնային Ղարաբաղի Հանրապետության հենց սրտում՝ Ստեփանակերտում, կայացավ իր տեսակի մեջ բացառիկ հայկական ազգային հագուստի՝ տարազի փառատոնը:

Տարազի փառատոնը՝ «Երևան ՏԱՐԱԶֆեստ»-ը Երևանի քաղաքապետարանը «Երևանյան ամառ» եռամսյա ծրագրի շրջանակում անցկացնում է արդեն երկրորդ անգամ:

Միջոցառումը Ստեփաբակերտում անցկացնելու որոշումը կայացվել է Երևանի քաղաքապետ Տարոն Մարգարյանի ԼՂՀ պաշտոնական այցի ժամանակ, որի ընթացքում Երևանը և Ստեփանակերտը ամփոփեցին քառամյա համագործակցության արդյունքները:

Բացառիկ շոու արցախցիների համար

"Ереван ТАРАЗфест"

Օգոստոսի 4-ին տեղի ունեցած միջոցառումն անցկացվել էր յուրահատուկ շքեղությամբ: Ամբողջ օրը Ստեփանակերտի բնակիչները և հյուրերը վայելում էին երևանյան և արցախյան ազգային անսամբլների մասնակցությամբ համերգային ծրագիրը, վառ, գունեղ ցուցահանդես-վաճառքով և հանրաճանաչ հայ դիզայներների երեկոյան ցուցադրությամբ:

Ինչպես նշեց Երևանի քաղաքապետի օգնական Մարիա Բարաղամյանը, միջոցառումն ուղղված է Արցախում զբոսաշրջության զարգացմանը:

«Մեզ հետ Երևանից Ստեփանակերտ ենք բերել մեր ողջ դրական էներգետիկան և ժպիտները: Մեր պատվիրակությունը կազմված է մոտ 130 անդամներից: Նրանց թվում են՝ ազգային վարպետներ, ստեղծագործ մարդիկ, ներաձևության տների ներկայացուցիչներ, ասեղնագործներ, տիկինիկագործներ: Բացի այդ, նախատեսված է հանրաճանաչ դիզայներներ Լիլիթ Մելիքյանի, Արամ Նիկոլյանի և Վահան Խաչատրյանի հագուստի ցուցադրություն», - ընդգծեց Բարաղամյանը:

Նա ավելացրեց, որ միջոցառումն ուղղված է արցախցիներին ուրախություն պարգևելուն, չէ՞ որ փառատոնը կազմակերպված է հենց նրանց համար:

«Կարծում եմ, որ նմանատիպ ծրագրեր կիրականացվեն նաև ապագայում, քանի որ դրանք ամրապնդում են երկու քաղաքների միջև կապը, ինչպես նաև նպաստում են ԼՂՀ-ում զբոսաշրջության աճին», - նշեց Բարաղամյանը:

Ստեփանակերտի քաղաքապետի տեղակալ Սուրեն Թամրազյանն իր հերթին ավելացրեց, որ փառատոնը ևս մեկ ծրագիր է, որն իրականացվում է Երևանի և Ստեփանակերտի միջև քառամյա համագործակցության շրջանակում:

«Տարոն Մարգարյանի շնորհիվ, մենք տարբեր ոլորտներում մի շարք ծրագրեր ենք իրականացրել: Այս ծրագիրը նոր ձևաչափ է, այն նոր գույներ է հաղորդում մեր քաղաքին: Բացի այդ, սա ևս մեկ քայլ է Արցախում և Ստեփանակերտում օտարերկրացի զբոասշրջիկների գրավելու համար», - ընդգծեց Թամրազյանը:

Փոխքաղաքապետը նշեց, որ Ստեփանակերտի բնակիչները և անձամբ ինքը շատ տպավորված են միջոցառումից, և հույս հայտնեց, որ Արցախում նման միջոցառումներ հաճախ կանցկացվեն:

ԼՂՀ նախագահ Բակո Սահակյանը փառատոնին

Փառատոնին այցելել են Արցախի շատ բնակիչներ, այդ թվում, Լեռնային Ղարաբաղի Հանրապետության նախագահ Բակո Սահակյանը:

«Ինչպես նկատեցիք, մենք Բակո Սահակյանի հետ միասին շրջեցինք բոլոր 15 տաղավարներով, որոնցում ներկայացված են երևանցի և արցախցի վարպետների աշխատանքները: Կարծում եմ, որ նրա մոտ տեսածից բավական դրական տպավորություններ ստացավ: Բացի այդ, նա ծանոթացավ կազմակերպությունների հետ, որոնց նախագահը մինչ այդ ծանոթ չէր», - նշեց Բարաղամյանը:

"Ереван ТАРАЗфест"

Նա ավելացրեց, որ Սահակյանը գնումներ կատարեց բոլոր տաղավարներից: «Ամենահետաքրքիրն այն է, որ մեզ հետևում էին փոքրիկ արցախցիները, որոնց համար ևս Սահակյանը նվերներ գնեց», - ասաց Բարաղամյանը:

Երևանյան և արցախյան վարպետներն իրենց աշխատանքների մասին

Տարազի գունագեղ փառատոնի ժամանակ անցկացվեց ցուցահանդես-վաճառք, որին մասնակցեցին Երևանի և Արցախի վարպետները: Վառ գույները, ազգային զարդանախշը, ձեռքի բացառիկ աշխատանքը ոչ մի այցելուի անտաբեր չթողեցին:

"Ереван ТАРАЗфест"

Տիկնիկագործ, «Տերյան» մշակույթի կենտրոնի ներկայացուցիչ Մարիետա Ավագյանը, փառատոնին ցուցադրված իր աշխատանքներից մեկը ցույց տալով, նշեց, որ երեք տիկնիկներից բաղկացած կոմպոզիցիան մարմնավորում է հայկական ընտանիքը:

«Ընտանիքի մայրը կրում է արցախյան տարազ, հարսը՝ երևանյան, իսկ նրանց պաշտպանը՝ երիտասարդը, զինվորական հագուստ է կրում: Կոմպոզիցիան կոչվում է «Հայկական աշխարհը մեկ ընտանիք է», - նշեց Ավագյանը:

"Ереван ТАРАЗфест"

Նա ավելացրեց, որ Մշակույթի կենտրոնում ներկայացված են տարբեր ժանրերի բազմաթիվ տիկնիկներ: «Մենք նույնիսկ նոր նախագիծ ենք իրականացնում, որի շրջանակում պատրաստում ենք տիկնիկներ ցանկացած մարդու դիմագծերով», - նշեց նա:

Միաժամանակ, Շուշիի մարդասիրական քոլեջի ներկայացուցիչ Սոսե Ամիրջանյանը, ներկայացնելով իր տաղավարում ցուցադրված աշխատանքները, պատմեց, որ քոլեջում գործում է գորգագործության, կավագործության, ատաղձագործության և դիզայնի բաժիններ:

«Այսօր մենք ներկայացնում ենք այստեղ աշխատանքներ փայտից, կավից, ինչպես նաև գորգեր, որոնք գործել են մեր ուսանողները: Մեզ խորհուրդ տվեցին մասնակցել փառատոնին, ինչն էլ մենք արեցինք, և միջոցառումն իսկապես շատ հետաքրքիր է», - ավելացրեց աղջիկը:

Տարազը բոլոր ժամանակների ժամանակակից հագուստ է

"Ереван ТАРАЗфест"

Երեկոյան Վերածննդի հրապարակում հավաքվել էին մեծ քվով հյուրեր, որոնք ժամանել էին հատուկ բացառիկ նորաձևության շոուն տեսնելու նպատակով: Ցուցադրության ժամանակ ներկայացվել էին հանրաճանաչ դիզայներների նորաձև հագուստի հավաքածուները՝ տարազի տարրերով: Այդ թվում, «Տերյան» մշակութային կենտրոնի ղեկավար Լիլիթ Մելիքյանի, դիզայներներ Արամ Նիկոլյանի և Վահան Խաչատրյանի հավաքածուները:

"Ереван ТАРАЗфест"

Հավաքածուները հիացմունք առաջացրեցին ղարաբաղյան հանդիսատեսի մոտ, որը դիմավորում էր մոդելներին բուռն ծափահարություններով:

Շոուի ավարտից հետո դիզայներ Լիլիթ Մելիքյանը, որը ղարաբաղյան արմատներ ունի, պատմեց, որ ցնծության մեջ է: Նա ավելացրեց, որ միջոցառումից իր միակ սպասումը Արցախի բնակիչների տրամադրության բարձրացումն էր:

«Մենք նրանց համար շքեղ, զվարճալի և նորաձև միջոցառում ենք կազմակերպել, քանի որ ցանկանում ենք, որ երկրում ամեն ինչ լավ լինի: Ես կարծում եմ, որ բոլոր նրանք, ովքեր այստեղ են, առաջին հերթին մրածում էին ղարաբացիների տրամադրությունը բարձրացնելու մասին: Համոզված եմ, որ միջոցառումը կարելի է հաջողված համարել», - նշեց Մելիքյանը:

Նա ընդգծեց, որ նմանատիպ միջոցառումներ պետք է Արցախում ավելի հաճախ անցկացնել՝ ապահովելու համար ԼՂՀ բնակիչների լավ տրամադրությունը:

"Ереван ТАРАЗфест"

«Ես 13 տարի շարունակ զբաղվում են տարազների ստեղծմամբ և կարծում եմ, որ ազգային հագուստի հանդեպ տածած իմ սիրով վարակել ոմ բոլոր մտերիմներին:Այսօր ավանդական հագուստի հանդեպ սերը մտել է նաև հայկական նորաձևություն: Լավագույն հայ դիզայներներն իրենց հավաքածուներն իրականացնում են ազգային հագուստի ավանդական տարրերի օգտագործմամբ», - նշեց Մելիքյանը:

Հայկական ոգով լցված հրապարակ

"Ереван ТАРАЗфест"

Փառատոնի այցելուներից մեկը՝ Օլեգը, ով ժամանել էր Ստեփանակերտ Լիտվայից, պատմեց, որ այդքան էլ ծանոթ չէ Արցախի ժողովրդի մշակույթին, սակայն ամենից շատ տպավորվել է միջոցառման գույներից: «Ես նույնիսկ դստերս համար գեղեցիկ տիկնիկ գնեցի», - ասաց Օլեգը:

«Եթե հնարավորություն լինի, ես անպայման նորից կայցելեմ այս միջոցառումը», - ասաց նա: Միաժամանակ, փառատոնի ևս մեկ հյուր նշեց, որ միջոցառման մասին իմացել է մի քանի օր առաջ:

«Շատ հետաքրքիր միջոցառում է: Մենք մեծ հաճույքով որոշեցինք մասնակցել: Հասցրինք ծանոթանալ տաղավարներում ներկայացված աշխատանքներին և անհամբեր սպասում ենք նորաձության ցուցադրությանը», - նշեց մի երիտասարդ աղջիկ: -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

ԱՌԿԱ գործակալություն
Բաժնի այլ նյութեր
09:45
03 Ապրիլի 2024
Բրիտանական թանգարանում պահվող Անահիտ աստվածուհու բրոնզե արձանի գլուխը կցուցադրվի Հայաստանի պատմության թանգարանում
Հայաստանի պատմության թանգարանում  կիրականացվի «Մայր աստվածություն․ Անահիտից Մարիամ» խորագրով մեծածավալ միջազգային ցուցադրությունը
15:28
02 Ապրիլի 2024
Տաշիիի․ LADANIVA–ն կենդանի ձայնով կատարել է Jako երգը «Եվրատեսիլի» Preparty–ի ժամանակ (ՎԻԴԵՈ)
«Եվրատեսիլ 2024» երգի միջազգային մրցույթում Հայաստանը ներկայացնող LADANIVA խումբը մրցույթի Preparty-ի ուղիղ եթերում կատարել է Jako երգը․ ՎիԴԵՈ
21:15
01 Ապրիլի 2024
Ռուանդայում աֆրիկացի երեխաները երգում և պարում են հայկական երաժշտության ներքո (ՎԻԴԵՈ)
Հայերեն ողջույններ աֆրիկացի երեխաներից․ Ռուանդայի երեխաները երգում և պարում են հայկական երաժշտության ներքո․ ՎԻԴԵՈ
18:25
29 Մարտի 2024
«Չգիտեմ՝ ինչպես նկարագրել զգացմունքներս»․ Սաթի Սպիվակովան անհամբեր սպասում է երևանյան հանդիսատեսի հետ հանդիպմանը
Հայտնի հայ ջութակահար Զարեհ Սահակյանցի դուստր Սաթի Սպիվակովան, ով մեծանուն ջութակահար ու դիրիժոր, մաեստրո Վլադիմիր Սպիվակովի կինն է, նշել է, որ Երևանում կայանալիք հյուրախաղերն առանձնահատուկ են իր համար
21:15
28 Մարտի 2024
Շուրջ 1,4մլրդ դրամ կհատկացվի Սերգեյ Փարաջանովի և Շառլ Ազնավուրի ծննդյան 100-ամյակների հոբելյանական միջոցառումների կազմակերպման համար
Բյուջեից շուրջ 1,4մլրդ դրամ կհատկացվի Սերգեյ Փարաջանովի և Շառլ Ազնավուրի ծննդյան 100-ամյակների հոբելյանական միջոցառումների կազմակերպման համար
12:22
27 Մարտի 2024
Թատրոնն այն վեհ ճշմարտությունն է, որին ձգտում են բոլոր ժողովուրդները․ Աշխարհն այսօր նշում է Թատրոնի օրը
Այսօր Թատրոնի միջազգային օրն է, որը նշվում է ամբողջ աշխարհում
11:17
27 Մարտի 2024
«Ժամանակի մեքենա» լեգենդար խումբը հանդես կգա մեծ համերգով Երևանում
«Ժամանակի մեքենա» լեգենդար խումբը Երևանում հանդես կգա մեծ համերգով՝ իր 55–ամյակի կապակցությամբ
14:17
26 Մարտի 2024
Սաթի Սպիվակովան և Մոսկվայի «Ազգերի թատրոնը» շուտով Երևանում (ՖՈՏՈ)
Հայաստանում մոսկովյան առաջատար «Ազգերի թատրոնի» անդրանիկ հյուրախաղերը կդառնան Կանանց միամսյակի գեղեցիկ ամփոփում: Թատրոնը երևանյան հանդիսատեսին կներկայացնի «Դեղձանիկը»․ ՖՈՏՈ
11:16
18 Մարտի 2024
Սերգեյ Լազարևը հայերեն կատարել է Շատունովի հայտնի «Седая ночь» երգը (ՎԻԴԵՈ)
Սերգեյ Լազարևը հայերեն կատարում է Շատունովի հայտնի «Седая ночь» երգը․ ՎԻԴԵՈ
12:48
13 Մարտի 2024
Հրապարակվել է Հայաստանը «Եվրատեսիլ 2024»–ում ներկայացնող LADANIVA խմբի եվրատեսիլյան տեսահոլովակը (ՎԻԴԵՈ)
Հրապարակվել է Հայաստանը «Եվրատեսիլ 2024»–ում ներկայացնող LADANIVA խմբի եվրատեսիլյան տեսահոլովակը․ ՎԻԴԵՈ
10:53
10 Մարտի 2024
Հայտնի է, թե ով կներկայացնի Հայաստանը «Եվրատեսիլ 2024»–ում (ՖՈՏՈ)
Հայտնի է, թե ով կներկայացնի Հայաստանը «Եվրատեսիլ 2024»–ում․ ՖՈՏՈ)
20:55
07 Մարտի 2024
Մոսկվայի հայտնի ազգերի թատրոնը Սաթի Սպիվակովայի հետ առաջին անգամ ելույթ կունենա Երևանում (ՖՈՏՈ)
Մոսկվայի Ազգերի Թատրոնի «Դեղձանիկը» ներկայացումը կցուցադրվի ապրիլի 5–6–ը Կ․ Ստանիսլավկսու անվան դրամատիկական թատրոնի բեմում