ԵՐԵՎԱՆ, 1 դեկտեմբերի./Նովոստի–Արմենիա/. «Նովոստի–Արմենիա» գործակալությունը պարգևատրվել է ReAnimania անիմացիոն միջազգային կինոփառատոնի շնորհակալագրով` միջոցառման ակտիվ լուսաբանման համար։
Անիմացիոն կինոփառատոնն անցկացվել է Երևանում 2014 թ.–ի հոկտեմբերի 25–31–ը։ Այս տարի մրցութային ծրագրի հինգ անվանակարգերում ներկայացվել է 200 ֆիլմ, փառատոնի շրջանակում ընդհանուր առմամբ ցուցադրվել է ավելի քան 400 լիամետրաժ և կարճամետրաժ անիմացիոն ֆիլմ և տեսանյութ։
ReAnimania միջազգային անիմացիոն կինոփառատոնն առաջին անգամ անցկացվել է Երևանում 2009 թվականի հոկտեմբերի 3-6-ը: Նախագծի նպատակն անիմացիոն արվեստի զարգացմանն օժանդակելն է, համաշխարհային մակարդակի անիմատոր-նկարիչների նոր սերնդի դաստիարակությունը և համաշխարհային ասպարեզում հայ անիմատորների աշխատանքների ցուցադրության ֆորումի կազմակերպումը, ինչպես նաև ամբողջ աշխարհից անիմացիոն ֆիլմերի լավագույն նմուշների ներկայացումը հայ հանդիսատեսին:
ԱՄԻ «Նովոստի–Արմենիա»–ն ReAnimania անիմացիոն կինոփառատոնի ինֆորմացիոն գործընկերն է։
ԱՄԻ «Նովոստի–Արմենիա» գործակալությունը գործում է 2005 թ.–ի դեկտեմբերից։
«Նովոստի-Արմենիա» գործակալությունը 2009թ. մարտին լավագույնն է ճանաչվել «Եվրոպական թեմաների մոնիտորինգը հայկական ԶԼՄ-ներում» ծրագրի «Եվրոպական թեմաներն առավել լայնորեն լուսաբանող ԶԼՄ» անվանակարգում: Մրցույթն իրականացվել է «Եվրոպական ինտեգրացիա» հասարակական կազմակերպության և Հայաստանում Մեծ Բրիտանիայի դեսպանատան կողմից:
2009թ.-ի հուլիսին Business Initiative Directions (BID) միջազգային կազմակերպությունը «Նովոստի-Արմենիա» գործակալությանը «Gold» կատեգորիայի Միջազգային աստղ մրցանակ է շնորհել։-0-
