485.74
7.81
458.98
+4
Եղանակը Երևանում
Հայ

«Թատրոն Х» հայկական փառատոնի մարզային փուլն է մեկնարկում ապրիլի 12-ին Վանաձորում

17:40
11 Ապրիլի 2011

«Թատրոն Х» հայկական փառատոնի երկրորդ, մարզային փուլն է մեկնարկում ապրիլի 12-ին Վանաձոր քաղաքի Հովհաննես Աբելյանի անվ. Պետական դրամատիկական թատրոնում՝ Ժան Պոլ Սարտրի «Առաքինի պոռնիկ» պիեսի բեմադրությամբ, հաղորդեց փառատոնի նախագահ, թատերագետ Արա Խզմալյանը: 

«Թատրոն Х» ամենամյա չորրորդ հանրապետական փառատոնն անցկացվում է մարտի 21-ից ապրիլի 28-ը, միջոցառմանը մասնակցում են ավելի քան 30 թատերախմբեր Հայաստանից և Լեռնային Ղարաբաղի Հանրապետությունից:

«Թերևս մեծագույն նվաճումը, որ մենք արձանագրեցինք փառատոնի մայրաքաղաքային փուլի ընթացքում, բանավեճերի կուլտուրայի ձևավորումն է»,- ասաց Խզմալյանը երկուշաբթի «Թատրոն Х» փառատոնի առաջին փուլի արդյունքներով կայացած մամուլի ասուլիսում:

Ընդունված ձևաչափի համաձայն, յուրաքանչյուր ներկայացումից հետո բաց քննարկումներ են անցկացվել ոլորտի մասնագետների՝ ռեժիսորների, թատերական քննադատների, պրոդյուսերների, դերասանների, բանասերների և լրագրողների մասնակցությամբ:

Թատերագետի խոսքերով, մայրաքաղաքային փուլի գլխավոր բացահայտումներ դարձան Երևանի թիվ 27 դպրոցի և Վ. Բրյուսովի անվան Պետական լեզվաբանական համալսարանի սիրողական թատերախմբերը, ինչպես նաև «Ագորա» թատերախմբի դերասանուհի Նարինե Գրիգորյանը: Գլխավոր հերոսուհու նրա կատարումը Դարիո Ֆո և Ֆրանկխի Ռամեի «Ազատ զույգ» պիեսի բեմադրությունում միաձայն լավագույնն է համարվել կազմկոմիտեի և փառատոնի ժյուրիի կողմից:

Խզմալյանը միաժամանակ նշեց, որ գրեթե բոլոր բեմադրությունների հիմնական խնդիրը թատերական պատշաճ կրթության բացակայությունն էր:

«Հիմնականում դա Թատրոնի և կինոյի պետական ինստիտուտի բացն է: Երիտասարդ դերասանները մոռանում են, որ խաղը պետք է կառուցվի հիմնական կուլմինացիոն պահերի շուրջ: Նրանք սկսում են խաղալ զգայական մեծ ներուժով, իսկ 20 րոպե անց արդեն դատարկվում են ու արդեն պիսեի ավարտից առաջ դերասանը, արդեն սպառելով իր էներգիան, բեմում էական ոչինչ չի անում»,- ավելացրեց նա:

Թատերագետ, փառատոնի փորձագետների կոմիտեի անդամ Լևոն Մութաֆյանն իր հերթին հայկական թատերական իրողության՝ փառատոնում վերհանած թերությունների թվում նշեց այն փաստը, որ այսօր թատրոնում փորձեր են դնում միայն 50-ից բարձր տարիքի մարդիկ:

Ինչպես ասաց Մութաֆյանը, փառատոնում ներկայացված աշխատանքների 90 տոկոսը տուժում էին ռեժիսորի անգրագիտությունից: «Այսօր Թատրոնի և կինոյի պետական ինստիտուտը շատ բան ունի անելու նոր կադրերի, ոչ միայն ռեժիսորների և դերասանների, այլ նաև թատերական քննադատների պատրաստման համար»,- ընդգծեց նա:
Բանախոսներն ընդգծեցին նաև հայկական դպրոցներում և բուհերում հայկական սիրողական թատերախմբերի ձևավորման կարևորությունը, ինչը թույլ կտա լուծել բազմաթիվ խնդիրներ, առաջին հերթին, երիտասարդության հաղորդակից լինելը մշակութային կյանքին:

«Թատրոն Х» փառատոնը կազմակերպվել է Հայաստանի թատերական գործիչների միության կողմից և անցկացվում է հանրապետության Մշակույթի նախարարության աջակցությամբ:

Փառատոնի մարզային փուլի մասնակիցներն են՝ Վ. Աճեմյանի անվ. Պետական դրամատիկական թատրոնը (Գյումրի), Հրազդանի քաղաքային դրամատիկական թատրոնը (ք. Հրազդան), Գեղարքունիքի մարզի Լ. Քալանթարի անվ. դրամատիկական թատրոնը, Համո Խարազյանի անվ. Պետական դրամատիկական թատրոնը  (Արտաշատ), Աբովյան քաղաքի դրամատիկական թատրոնը, Վ. Վաղարշյանի անվ. Պետական դրամատիկական թատրոնը (Գորիս), Ա. Շիրվանզադեի անվ. Պետական դրամատիկական թատրոնը (Կապան քաղաք), Վ. Փափազյանի անվան Պետական դրամատիկական թատրոնը (ԼՂՀ, Ստեփանակերտ), «Նարեկացի» Արվեստի միավորման թատերախումբը (Շուշի, ԼՂՀ):-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
15:41
17 Մայիսի 2022
«Թանգարանների ուժը». Հայաստանը միանում է «Թանգարանների գիշեր» համաեվրոպական միջոցառմանը, հրապարակվել է տոնական միջոցառումների ցանկը
«Թանգարանների ուժը». Հայաստանը միանում է «Թանգարանների գիշեր» համաեվրոպական միջոցառմանը, հրապարակվել է տոնական միջոցառումների ցանկը
12:11
16 Մայիսի 2022
Ադրբեջանի և ևս 5 երկրների ազգային ժյուրիները հեռացվել են «Եվրատեսիլ 2022»–ից
Ադրբեջանի և ևս 5 երկրների ազգային ժյուրիները հեռացվել են «Եվրատեսիլ 2022»–ից
03:21
15 Մայիսի 2022
«Եվրատեսիլ 2022»-ում հաղթող հռչակվեց Ուկրաինան (ՎԻԴԵՈ)
«Եվրատեսիլ 2022»-ում հաղթող հռչակվեց Ուկրաինան. ՎԻԴԵՈ
03:14
15 Մայիսի 2022
«Եվրատեսիլ 2022»-ում Հայաստանը ներկայացնող Ռոզա Լին զբաղեցրեց 20-րդ տեղը (ՎԻԴԵՈ)
«Եվրատեսիլ 2022»-ում Հայաստանը ներկայացնող Ռոզա Լին զբաղեցրեց 20-րդ տեղը. ՎԻԴԵՈ
23:56
14 Մայիսի 2022
Ռոզա Լին փայլուն ելույթ ունեցավ «Եվրատեսիլ 2022»–ի եզրափակչում (ՎԻԴԵՈ)
Հայաստանը «Եվրատեսիլ 2022»–ում ներկայացնող Ռոզա Լին փայլուն ելույթ ունեցավ «Եվրատեսիլ 2022» երգի միջազգային մրցույթում. ՎԻԴԵՈ
10:51
11 Մայիսի 2022
Ռոզա Լինի փայլուն ելույթը «Եվրատեսիլ 2022»–ի կիսաեզրափակչում, ի դեպ Հայաստանն անցել է եզրափակիչ (ՎԻԴԵՈ)
Ռոզա Լինի փայլուն ելույթը «Եվրատեսիլ 2022»–ի կիսաեզրափակչում, ի դեպ Հայաստանն անցել է եզրափակիչ. ՎԻԴԵՈ
14:26
10 Մայիսի 2022
Հայազգի Լարի Գագոսյանը ձեռք է բերել 20–րդ դարի արվեստի ամենաթանկ ստեղծագործությունը (ՎԻԴԵՈ)
Հայազգի Լարի Գագոսյանը ձեռք է բերել 20–րդ դարի արվեստի ամենաթանկ ստեղծագործությունը. ՎԻԴԵՈ
22:15
08 Մայիսի 2022
«Իմ Շուշի». Անդրեն արցախյան բարբառով նոր երգ ու տեսահոլովակ է ներկայացրել (ՎԻԴԵՈ)
«Իմ Շուշի». Անդրեն արցախյան բարբառով նոր երգ ու տեսահոլովակ է ներկայացրել. ՎԻԴԵՈ
12:28
04 Մայիսի 2022
Ha Nina. տեղի է ունեցել Աբրահամ Ռուսսոյի ու Արման Հովհաննիսյանի տեսահոլովակի պրեմիերան (ՎԻԴԵՈ)
Արման Հովհաննիսյանն ու Աբրահամ Ռուսսոն նոր զուգերգ են ներկայացրել. ՎԻԴԵՈ
23:25
03 Մայիսի 2022
«Պատրաստվում ենք լավ ժամանակ անցկացնել».50 Cent-ն անդրադարձել է իր երևանյան համերգին (ՖՈՏՈ)
«Պատրաստվում ենք լավ ժամանակ անցկացնել».50 Cent-ն անդրադարձել է իր երևանյան համերգին. ՖՈՏՈ
13:11
02 Մայիսի 2022
ԳեոՊրոՄայնինգը հովանավորել է ականավոր ջազմեն Գարի Կեսայանի համերգը (ՖՈՏՈ)
Ապրիլի 30-ին ԳեոՊրոՄայնինգ ընկերությունների խմբի աջակցությամբ Երևանի Արամ Խաչատրյան համերգասրահում տեղի ունեցավ ականավոր ջազմեն Գարի Կեսայանի համերգը. ՖՈՏՈ
10:15
01 Մայիսի 2022
50 Cent-ն ու ZAZ-ը ելույթ կունենան Երևանում
Աշխարհահռչակ ռեփեր 50 Cent-ն ու ֆրանսիացի երգչուհի ZAZ-ը ելույթ կունենան Երևանում