ՀՀ կառավարությունը «Թատրոնի և թատերական գործունեության մասին» օրենքի նախագիծը կներկայացնի խորհրդարան

Հայաստանի կառավարությունը հինգշաբթի կայացած նիստի ընթացքում որոշել է խորհրդարան  ներկայացնել «Թատրոնի և թատերական գործունեության մասին» օրենքի լրամշակված նախագիծը։

«Օրենքի ընդունումով կհամակարգվեն թատրոնների տնօրենների և գեղարվեստական ղեկավարների գործառույթները, գեղարվեստական ղեկավարների իրավասությունները, թատերական ոլորտին աջակցելու պետական քաղաքականության հիմնական սկզբունքները»,-  հայտնեցին «Նովոստի-Արմենիա» գործակալությանը կառավարության տեղեկատվության և հասարակայնության հետ կապերի վարչությունում։

Հայաստանի վիճակագրության ազգային ծառայության տվյալներով 2006-ին հանրապետությունում գործել են 26 թատերական կազմակերպություններ, որոնցից 15-ը՝ դրամատիկ, 5-ը՝ տիկնիկային, 4-ը՝ երաժշտական, ինչպես նաև Պատանի հանդիսատեսի թատրոնը և Երևանի կրկեսը։–0-