ԵՐԵՎԱՆ, 27 հոկտեմբերի./Նովոստի–Արմենիա/. Երգիչ Սարոն հայտնել է՝ ինչ անուն են ընտրել նորածին որդու համար:
Սարո Թովմասյան Instagram-ի իր էջի սթորի բաժնում տեղադրել է փոքրիկի լուսանկարը, որի դեմքը փակված է էմոջիով։ Հրապարակումից երևում է, թե ծնողներն ինչ անուն են ընտրել տղայի համար:
Երգիչը հրապարակել է նաև նորածնի ծննդյան վկայականի տվյալները՝ հայտնելով տղայի անունը՝ Արմեն Սարոյի Թովմասյան։
Երկու օր առաջ երգիչը տեղեկացրել էր, որ երրորդ անգամ հայր է դարձել։ Տեղեկությունը հայտնել էր Instagram–ի իր էջում և լուսանկար հրապարակել։ Կադրում երևում էր նորածնի թաթիկը։
«Պապայի տղա, բարի գալուստ, ախպերս»,- լուսանկարին կից գրել էր Սարոն:
Նշենք, որ Սարո Թովմասյանը հազվադեպ է խոսում իր անձնական կյանքի մասին։ Ընդամենը տարիներ առաջ հանրությունն իմացավ, որ երգիչն ամուսնացած է։ Մի անգամ երգչուհի Նանան Facebook-ի իր էջում զույգի հետ լուսանկար էր հրապարակել:
Սարոն ու կինը` Տաթևը, ևս երկու դուստր ունեն։–0–
