Փարաջանովի գույնի թագավորություն կամ «սովորական հանճար» (ՖՈՏՈ

27.07.2021, 14:42

Պատրաստել ենք Փարաջանովի թանգարանի ֆոտո–ուղեցույցը` փորձելով փոխանցել վարպետի ստեղծած աշխարհի ոգին.ՖՈՏՈ

Փարաջանովի գույնի թագավորություն կամ «սովորական հանճար» (ՖՈՏՈ–ՈւՂԵՑՈւՅՑ)

ԵՐԵՎԱՆ, 27 հուլիսի./Նովոստի–Արմենիա/. «Նովոստի–Արմենիա» գործակալության թղթակիցն այցելել է հայտնի կինոռեժիսոր, սցենարիստ և նկարիչ Սերգեյ Փարաջանովի տուն–թանգարան, որն այս տարի նշում է բացման 30–ամյակը։

Թղթակիցը ծանոթացել է հռչակավոր կինոռեժիսորի մասին պատմող հուշագրություններին և պատրաստել է թանգարանի ֆոտո–ուղեցույց` փորձելով փոխանցել Փարաջանովի ստեղծած աշխարհի ոգին։ Ի դեպ, Փարաջանովի թանգարանը Երևանի ամենահայտնի մշակութային կենտրոններից է։ Այնտեղ ցուցադրված է մոտ 1600 ցուցանմուշ։

Քաղաքային անցուդարձից հեռու`բլրի վրա` վեր է խոյանում երկհարկանի տուն` փորագրված փայտե փեղկերով և պատշգամբներով, իսկ բարձր ցանկապատի հետևում երևում են բակում աճող ծառերի գագաթները։ Տան ճակատային հատվածում կախված է մտածկոտ տղամարդու դիմանկար։ Դա Սերգեյ Փարաջանովն է։

- рис.2

Մեծանուն նկարչի թանգարանի վայրն ընտրվել է «Ձորագյուղ» էթնոգրաֆիկ թաղամասում։ 1988թ.–ի երկրաշարժի պատճառով թանգարանի շինարարությունը ձգձգվեց։ Այն բացվեց միայն 1991թ.–ին` Փարաջանովի մահից մեկ տարի անց։ Թանգարանի հարուստ հավաքածուի մի մասը ձեռք է բերվել ցուցահանդեսներից, իսկ մնացածը նվիրել է ռեժիսորը դեռևս կենդանության օրոք։

Ահա և թանգարանի մուտքը` աստիճաններ, հսկա փայտե դռներ և նեղլիկ միջանցք։

- рис.3

Միջանցքով մինչև վերջ քայլելիս հայտնվում ես գողտրիկ բակում, որտեղ ծիրանենի է աճում, որի սաղարթախիտ ճյուղերը պաշտպանում են արևից։

- рис.4

Թանգարանի սպիտակ դուռը բացելով` հայտնվում ես ստեղծագործ մարդու զարմանահրաշ աշխարհում։ Մաեստրոյի մեծ լուսանկարը դիմավորում է հյուրերին։

- рис.5

- рис.6

- рис.7

- рис.8

Երկրորդ սրահի մեջտեղում դրված է սեղան, որի վրա նռով սկուտեղ է։ Այս արևային պտուղը դարձել է ռեժիսորի ինքնատիպ խորհրդանիշը. թանգարանում ամեն ինչ նռան երանգների մեջ է։

- рис.9

- рис.10

Այստեղ ներկայացված է նաև հին կահույք, ձեռագործ արձանիկներ և տիկնիկներ։

- рис.11

Ուշադրություն է գրավում «մանկության սնդուկը», ինչպես այն կոչում էր Փարաջանովը։

- рис.12

- рис.13

Այստեղ ցուցանմուշներն ավելի շատ են։ Վարպետը կարողացել է երկրորդ կյանք հաղորդել հին իրերին` վերածելով դրանք արվեստի նմուշների։ Դրա վառ օրինակներից են հարթ և մեծ կոլաժները, որոնցում օգտագործված են հասարակ առարկաներ` կոճակներ, ուլունքներ, դոմինո, քարտեր, կոտրված սպասքի բեկորներ, բմբուլներ, ժապավեններ, կտորեղեն, լուսանկարների և ամսագրերի հատվածներ։

- рис.14

- рис.15

- рис.16

Գլուխգործոցներից է փղի գլուխը, որին ավելի մոտիկից նայելով` հասկանում ես, որ դա կաշվե պայուսակ է։

- рис.17

- рис.18

Անհնար է չկանգնել վանդակի մեջ ներկայացված կանացի սև կոշիկի առաջ, որը արևելյան կնոջ ճակատագրի խորհրդանիշն է, իսկ հետո գալիս են լուսանկարներ, նկարներ, կոլաժներ, տիկնիկներ, գլխարկներ, էսքիզներ...

Թանգարանի վերջին սենյակն արտացոլում է ռեժիսորի բարդ տարիները, այստեղ ներկայացված են լուսանկարներ, այդ թվում`անազատության մեջ արված նամականիշեր։ Փարաջանովը 15 տարով հեռացվել էր խորհրդային համակարգի կինոյից, որից 1973–1977թթ.–ին և 1982թ.–ն անցկացրել է բանտերում և խիստ ռեժիմի ճամբարներում։ Բայց նույնիսկ գտնվելով անազատության մեջ` վարպետը շարունակում էր ստեղծագործել` նկարել, կարել և պատրաստել կոլաժներ։

- рис.19

Մենք փորձեցինք մանրամասն փոխանցել մեծանուն վարպետի տուն–թանգարանի ոգին և մթնոլորտը, բայց խորհուրդ ենք տալիս անպայման այցելել թանգարան։–0–

#ՍԵՐԳԵՅ ՓԱՐԱՋԱՆՈՎ

#ՏՈՒՆ–ԹԱՆԳԱՐԱՆ

#ՖՈՏՈ–ՈՒՂԵՑՈՒՅՑ

Mon	Tue	Wed	Thu	Fri	Sat	Sun
24	25	26	27	28	1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31	1	2	3	4	5	6

Փարաջանովի գույնի թագավորություն կամ «սովորական հանճար» (ՖՈՏՈ–ՈւՂԵՑՈւՅՑ)

Վերջին լուրեր