Կարինա Իգնատյանը փայլեց «Մանկական Եվրատեսիլ 2019»–ում (ՎԻԴԵՈ)

ԵՐԵՎԱՆ, 24 նոյեմբերի./Նովոստի–Արմենիա/. Հայաստանը ներկայացնող Կարինա Իգնատյանը փայլուն կատարեց «Colors of your dream» երգը «Մանկակաn Եվրատեսիլ 2019»–ում։

«Մանկական Եվրատեսիլ 2019» մրցույթն անցկացվում է նոյեմբերի 24–ին Լեհաստանի Գլիվիցե քաղաքում։ Բացի Հայաստանից, մրցույթին մասնակցում են 18 երկրների` Ավստրալիայի, Ֆրանսիայի, Ռուսաստանի, Հյուսիսային Մակեդոնիայի, Իսպանիայի, Վրաստանի, Բելառուսի, Մալթայի, Ուելսի, Ղազախստանի, Լեհաստանի, Իռլանդիայի, Ուկրաինայի, Նիդերլանդների, Պորտուգալիայի, Իտալիայի, Ալբանիայի, Սերբիայի ներկայացուցիչները։

Կարինա Իգնատյանի «Colors of your dream» երգի տեսանյութի պրեմիերան տեղի է ունեցել նոյեմբերի 2–ին։ Տեսահոլովակի նկարահանումներն անցկացվել են Ռուսաստանում, ռեժիսորն է Անգելինա Միռոշնիչենկոն, օպերատորը՝ Սերգեյ Դիշյուկը։ Տեսահոլովակն աչքի է ընկնում լուսային հատուկ լուծումներվ և գրաֆիկական էֆեկտներվ, որոնք էլ ավելի տպավորիչ են դարձնում հայաստանյան ներկայացուցչի կատարումը։

Կարինան ծնվել է Կալուգայում, սկսել է երգել վեց տարեկանից։ 2017թ.–ին Կարինան մասնակցել է Ռուսական Առաջին ալիքով հեռարձակված «Ձայնը. երեխաներ» հեռուստանախագծում, նրա մարզիչն էր Դիմա Բիլանը։ 2019թ.–ին պատանի երգչուհին մասնակցել է «Մանկական Նոր ալիք» մրցույթում` զբաղեցնելով 4–րդ տեղը։–0–