Հայտնի ռեժիսոր Հարություն Խաչատրյանն արժանացել է Թբիլիսիի կինոփառատոնի «Պրոմեթևս» մրցանակին

ԵՐԵՎԱՆ, 8 դեկտեմբերի./Նովոստի–Արմենիա/. Հայտնի ռեժիսոր, Հայաստանի ժողովրդական արտիստ Հարություն Խաչատրյանն արժանացել է Թբիլիսիում անցկացված միջազգային կինոփառատոնի «Պրոմեթևս» պատվո մրցանակին, երեքշաբթի հաղորդեցին Երևանի «Ոսկե ծիրան» միջազգային կինոփառատոնի մամուլի ծառայությունից։

Թբիլիսիի 16-րդ միջազգային կինոփառատոնն այս տարի անցկացվել է հոկտեմբերի 30-ից նոյեմբերի 6-ը։

Հիմնական մրցութային ծրագրերից բացի, փառատոնը հագեցած էր նաև արտամրցութային հարուստ ծրագրերով: Դեկտեմբերի 3-ին կայացավ Հարություն Խաչատրյանի «Անվերջ փախուստ, հավերժ վերադարձ» ֆիլմի հատուկ ցուցադրությունը, որը նվիրված էր ռեժիսորի 60–ամյա հոբելյանին:

Հիմնական մրցանակների թվում փառատոնն այս տարի առաջին անգամ նախատեսել էր երկու «Պրոմեթևս» պատվո մրցանակներ համաշխարհային կինոյում ունեցած մեծ ավանդի համար, որոնք հանձնվեցին վրաց կինոռեժիսոր Լանա Գոգոբերիձեին և «Ոսկե ծիրան» Երևանի միջազգային կինոփառատոնի հիմնադիր տնօրեն, ՀՀ Ժողովրդական արտիստ, կինոռեժիսոր Հարություն Խաչատրյանին:

2009թ.-ին Հարություն Խաչատրյանի «Սահման» ֆիլմը միևնույն փառատոնի շրջանակներում արժանացավ փառատոնի բարձրագույն մրցանակին և 2012թ.-ին տեղի ունեցավ ռեժիսորի ֆիլմերի հետահայաց ցուցադրությունը:

Հարություն Խաչատրյանի 60-ամյա հոբելյանի առիթով այս տարի հետահայաց ցուցադրություններ կազմակերպվեցին շուրջ տասը միջազգային կինոփառատոների շրջանակներում։–0–