ԵՐԵՎԱՆ, 13 մարտի. /Նովոստի-Արմենիա/. Եվրոպական և հայկական բուքմեյքերները տարբեր կերպ են գնահատում «Եվրատեսիլ» մրցույթում Հայաստանի հաջողության շանսերը:
Այսպես, եվրոպական բուքմեյքերական գրասենյակները, որոնք հաղթանակի խաղադրույքներ են ընդունում, կանխատեսում են, որ Արծվիկը կզբաղեցնի 8-րդ տեղը:
Հիշեցնենք, որ մրցույթում Արծվիկը կներկայանա «'Fly with me» երգով, որի պրեմիերան տեղի կունենա մարտի 18-ին Հանրային հեռուստատեսությամբ:
Загружается новость ... "Лево"
Բուքմեյքերների ֆավորիտն է իտալացի երգիչ Ֆրանչեսկո Գաբբանին, որը պատրաստվում է ելույթ ունենալ կապիկի կերպարով մի մարդու հետ: Բելգիան և Շվեդիան զբաղեցնում են երկրորդ և երրորդ տեղերը:
Հայաստանը զիջում է Ռուսաստանին (5-րդ տեղ), սակայն ավելի առաջ է, քան Ադրբեջանը (10-րդ տեղ) և Վրաստանը (26-րդ տեղ):
Հայ բուքմեյքերների մոտ առաջատար են նույն երկրները, սակայն նրանց կանխատեսմամբ` Ռուսաստանը կզբաղեցնի 4–րդ տեղը, Հայաստանը` 9–րդ, Ադրբեջանը` 10–րդ, Վրաստանը` 25–րդ։
Մրցույթն այս տարի կանցկացվի մայիսի 9-ին, 11-ին և 13-ին Կիևում: «Եվրատեսիլ-2017»-ին կմասնակցի 43 պետություն:
Հայաստանը «Եվրատեսիլին» մասնակցում է 2006 թ.–ից։ Լավագույն արդյունքը` չորրորդ տեղը, ապահովել են երգչուհի Սիրուշոն 2008 թ.–ին և Արամ MP3–ը 2014 թ.–ին։–0–
