ԵՐԵՎԱՆ, 27 հոկտեմբերի. /Նովոստի–Արմենիա/. Դերասան Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը Scandinavian International Film Festival միջազգային կինոփառատոնում, նշվում է ֆիլմի ստեղծողների Facebook–յան պաշտոնական էջում։
Загружается новость ... "Лево"
«Վերջին բնակիչը» ֆիլմը ևս ճանաչվել է լավագույնը Scandinavian International Film Festival–ում` հաղթելով «Լավագույն գեղարվեստական ֆիլմ» անվանակարգում։
Scandinavian International Film Festival փառատոնը մեկնարկել է հոկտեմբերի 25–ին։ Իսկ «Վերջին բնակիչը» ֆիլմը կցուցադրվի հոկտեմբերի 28–ին որպես փառատոնի փակման ֆիլմ։
«Վերջին բնակիչը» ֆիլմի պրեմիերան տեղի է ունեցել «Ոսկե ծիրան» Երևանի XIII միջազգային կինոփառատոնի շրջանակում։
Ֆիլմը պատմում է ադրբեջանական գյուղի վերջին բնակչի մասին, որը հայ–ադրբեջանական պատերազմից հետո ամայացել է։
«Վերջին բնակիչը» չի կարող հեռանալ գյուղից, քանի որ սպասում է դստերը, ով դարձել է ադրբեջանական ջարդերի վկա և հայտնվել հոգեբուժարանում։
«Վերջին բնակիչը» ռեժիսոր Ջիվան Ավետիսյանի երկրորդ ֆիլմն է: Առաջինը «Թևանիկ» ֆիլմն էր, որն արժանացել է միջազգային փառատոնների բազմաթիվ մրցանակների։ -0-
