«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է

ԵՐԵՎԱՆ, 27 հոկտեմբերի. /Նովոստի Արմենիա/. «Եվրատեսիլ-2018» երգի միջազգային մրցույթին Հայաստանը կներկայացնի այն արտիստը, ով կդառնա «Դեպի Եվրատեսիլ» նախագծի հաղթողը: Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը, հայտնում է Հայաստանի առաջին ալիքի հասարակայնության հետ կապերի բաժինը։ 

«Այս եթերաշրջանում երգիչները կկարողանան ներկայանալ իրենց երգերով և հաղթելու պարագայում տվյալ ստեղծագործությունն էլ հնչեցնել «Եվրատեսիլ- 2018»-ին: Երգը պետք է գրված լինի հատուկ նախագծի համար կամ նախկինում հրապարակված չլինի: Հայտերն ընդունվում են մինչև դեկտեմբերի 15-ը», – նշվում է տարածած հաղորդագրությունում:

Մասնակցության հայտն անհրաժեշտ է լրացնել մինչև դեկտեմբերի 15-ը www.eurovision.am կայքում: Մանրամասների համար զանգահարել 091.65.00.15 հեռախոսահամարով կամ գրել հետեւյալ էլեկտրոնային հասցեին [email protected]:

Մանրամասներին կարող եք ծանոթանալ www.1tv.am, ինչպես նաև www.eurovision.am կայքերում: