Ալսուի դուստր Միկելլա Աբրամովան առաջին անգամ մեկնաբանել է «Ձայնը.Երեխաներ» շոուի եզրափակիչը

27.05.2019, 10:52
Երգչուհի Ալսուի դուստր Միկելլա Աբրամովան Instagram-ի իր էջում մեկնաբանել է «Ձայնը.Երեխաներ» վեցերորդ եթերաշրջանի եզրափակիչը:
Ալսուի դուստր Միկելլա Աբրամովան առաջին անգամ մեկնաբանել է «Ձայնը.Երեխաներ» շոուի եզրափակիչը

ԵՐԵՎԱՆ, 27 մայիսի. /Նովոստի-Արմենիա/. Երգչուհի Ալսուի դուստր Միկելլա Աբրամովան Instagram-ի իր էջում մեկնաբանել է Ռուսական առաջին ալիքի «Ձայնը.Երեխաներ» վեցերորդ եթերաշրջանի եզրափակիչը:

Ինչպես հայտնում է lenta.ru-ն, նա շնորհակալություն է հայտնել երկրպագուներին, նախագծի կազմակերպիչներին և մնացած մասնակիցներին, ովքեր աջակցել են նրան: Նա նաև շնորհավորել է երկրորդ եզրափակչի բոլոր մասնակիցներին` տարած հաղթանակի կապակցությամբ:

Загружается новость ... "Лево"

Նախագծում իր մասնակցությունը և բեմում հանդես գալը նա անվանել է «երազանք, որն իրականություն է դառել»:

Հիշեցնենք, որ «Ձայնը.Երեխաներ» վոկալի շոուի վեցերորդ եթերաշրջանի բոլոր ֆինալիստները հաղթող են ճանաչվել ծրագրի հատուկ թողարկման շրջանակում նրանից հետո, երբ Ալսուի դուստր Միկելա Աբրամովայի հաղթանակն անվավեր է ճանաչվել` մասնակիցներից մեկի անունով կարճ հաղորդագրության ավտոմատ ուղարկման բացահայտումից հետո:

Նախագծի հաղթողներ են ճանաչվել Երժան Մաքսիմը, Նինո Չեսները, Վալերի Կուզակովը, Ռենատա Տաիրովան, Ռոբերտ Բագրատյանը, Անաստասիա Սիսաուրին, Միխայիլ Գրիգորյանը, Մարիամ Աբդելկադերը և Միկելա Աբրամովան:-0-