«Մանկական Եվրատեսիլ 2019»–ում Հայաստանը ներկայացրած Կարինա Իգնաթյանը թողարկել է նոր տեսահոլովակ (ՎԻԴԵՈ)
23:15
11 Սեպտեմբերի 2020
ԵՐԵՎԱՆ, 11սեպտեմբերի./Նովոստի–Արմենիա/. 13–ամյա Կարինա Իգնաթյանը, ով նախորդ տարի ներկայացրեց Հայաստանը «Մանկական Եվրատեսիլում», թողարկել է նոր տեսահոլովակ «Be Yourself» երգի հիման վրա:
Անգլալեզու երգի հեղինակը Լիլի Գրիգորյանն է, տեսահոլովակի ռեժիսորը` Հարութ Թևոսյանը։
Կարինան զբաղեցրել է 9–րդ տեղը 2019թ.–ի նոյեբերին Լեհաստանի Գլիվիցե քաղաքում կայացած «Մանկական Եվրատեսիլում»։ Նա կատարել է «Colors of your dream» երգը հայերեն և անգլերեն։
2020թ.–ին կորոնավիրուսի համավարակի պատճառով մրցույթը կանցկացվի նոյեմբերի 29–ին տեսակամուրջի ձևաչափով։ Պրոֆեսիոնալ թիմն ու հաղորդավարը եթեր դուրս կգան Վարշավայից, իսկ յուրաքանչյուր մասնակից կկատարի իր երգը իր երկրի ստուդիայից։
Հայաստանն արդեն հաստատել է իր մասնակցությունը 18–րդ «Մանկական Եվրատեսիլում», մանրամասները կհրապարակվեն ավելի ուշ։–0–
«Նռան գույնը» պարային ներկայացման հայաստանյան պրեմիերան տեղի կունենա 2024 թվականի մարտին՝ Ա. Սպենդիարյանի անվան օպերայի և բալետի ազգային ակադեմիական թատրոնում
Ի նշանավորումն Սերգեյ Փարաջանովի 100-ամյակի, Երևանի կոնյակի գործարանի ARARAT թանգարանն իր ժամանակավոր ցուցադրությունների սրահում բացում է «Սերգեյ Փարաջանով․ Չընդհատված թռիչք» ցուցադրությունը