ԵՐԵՎԱՆ, 30 ապրիլի./Նովոստի–Արմենիա/. ՀՀ ճանապարհային ոստիկանությունը հաջող է համարում վաֆլենման գծանշումների հետ կապված փորձարկումը, երեքշաբթի ասուլիսի ժամանակ նշեց ՀՀ ճանապարհային ոստիկանության պետ Եգոր Կարապետյանը։
Загружается новость ... "Лево"
Հոկտեմբերի 30–իՑ Երևանի առավել ծանրաբեռնված խաչմերուկներում սկսեցին կիրառվել վաֆլենման գծանշումներ, որը նշանակում է, որ արգելվում է մտնել այդ խաչմերուկ, եթե առաջացել է խցանում, որի պատճառով վարորդները ստիպված կլինեն կայանել` այդ կերպ խոչընդոտելով մյուս տրանսպորտային միջոցների երթևեկությանը։
«Երբ ՃՈ–ն գծանշումներ արեց, հայտարարվեց, որ սա փորձնական է։ Արդեն այսօր Ճանապարհային ոստիկանությունը ներկայացրել է փոփոխություններ, որոնք ուժի մեջ կմտնեն մայիսի 5–ից, ինչից հետո գծանշումը կվերականգնվի, տեղադրվել են նշաններ և խախտման համար նախատեսված է 5 հազար դրամի տուգանք», – նշեց նա։
ՀՀ ճանապարհային ոստիկանապետի տեղակալ Արմեն Չիլինգարյանն իր հերթին նշեց, որ կփոխվի երթևեկության կազմակերպումն այն բոլոր խաչմերուկներում, որտեղ կա շրջանաձև երթևեկություն։ Նրա խոսքով, այսուհետ բոլոր նման խաչմերուկներում երթևեկելու առավելություն կստանան այն տրանսպորտային միջոցները, որոնք գտնվում են երթևեկության շրջանաձև հատվածում։ Այս փոփոխությունները ևս ուժի մեջ կմտնեն մայիսի 5–ից։
«Այս կանոնը կտարածվի բոլոր խաչմերուկների վրա, բացառությամբ նրանց, որտեղ կտեղադրվեն հետադարձի նշաններ», – ասաց նա։
Չիլինգարյանը նաև տեղեկացրեց, որ փոփոխություններ են կատարվելու նաև ճանապարհային նշանների խմբերում, ավելացվելու են հետիոտներին և հեծանիվներին վերաբերող ճանապարհային նշաններ:–0–