Սուրենյանը հայտնել է աննախադեպ երևույթի մասին. ձմռանը Հայաստանում գարնան շունչ կզգացվի (ՖՈՏՈ)

ԵՐԵՎԱՆ, 19 դեկտեմբերի. /Նովոստի Արմենիա/. Արևադարձային տաք օդային հոսանքները Եգիպտոսի տարածքից ներթափանցում են Միջերկրական ծով, իսկ այնտեղից դեպի Հայաստան, այդ մասին Ֆեյսբուքի իր էջում հայտնել է ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը:

Նա նշել է նաև, որ մինչև դեկտեմբերի 25-ը ջերմաստիճանի նվազում չի կանխատեսվում։



«Արևադարձային տաք օդային հոսանքները Եգիպտոսի տարածքից ներթափանցում են Միջերկրական ծով, իսկ այնտեղից դեպի Հայաստան։ Դեկտեմբերի 20-21-ին գիշերը օդի ջերմաստիճանը հանրապետության ողջ տարածքում կբարձրանա 5-6 աստիճանով, ինչի արդյունքում հովտային և նախալեռնային գոտիներում մի տեսակ գարնան շունչ կզգաք։ Մինչև դեկտեմբերի 25-ը ջերմաստիճանի նվազում չի կանխատեսվում», - գրել է նա։


Ըստ Հայհիդրոմետկենտրոնի տվյալների, դեկտեմբերի 20-ից Շիրակում և Գեղարքունիքում, ինչպես նաև Կոտայքի, Արագածոտնի և Վայոց ձորի լեռներում սպասվում են տեղումներ ձյան տեսքով:

Ամենաբարձր ձեռմաստիճանները սպասվում են դեկտեմբերի 19-ից 23-ը Սյունիքի հովիտներում. այնտեղ օդի ճեռմաստիճանը ցերեկվա ժամերին կկազմի 13-18 աստիճան: Տավուշում կլինի մինչև 13-15 աստիճան տաքություն, Սյունիքի նախալեռներում` մինչև 10-14 աստիճան, իսկ Լորիում` 8-13 աստիճան տաքություն:

Երևանում երեքշաբթիից շաբաթ օդի ձեռմաստիճանը կտատանվի +4…+8 աստիճանի սահմաններում ցերեկվա ժամերին և -1…+3 գիշերվա ժամերին: -0-