Ստեփանծմինդա–Լարս ավտոճանապարհն ամբողջովին փակ է ձնահյուսի վտանգի պատճառով

ԵՐԵՎԱՆ, 30 մարտի. /Նովոստի–Արմենիա/. Ստեփանծմինդա-Լարս ավտոճանապարհը փակ է բոլոր տեսակի ավտոմեքենաների համար, հայտնում է ԱԻՆ մամուլի ծառայությունը։

Վրաստանի ՆԳՆ ԱԻ գործակալությունից և ՌԴ ԱԻՆ Հյուսիսային Օսիայի Հանրապետության գլխավոր վարչությունից ստացված տեղեկատվության համաձայն, առկա է ձնահյուսի վտանգ:

Ըստ հաղորդագրության, ռուսական կողմում կա կուտակված 49 մարդատար և 73 բեռնատար ավտոմեքենա:

Հայաստանի արտակարգ իրավիճակների նախարարությունը տեղեկացնում է, որ մարտի 30-ին ժամը 08:00-ի դրությամբ ՀՀ տարածքում բոլոր ավտոճանապարհներն անցանելի են: -0-