Spider-Man–ն ու ընկերները․ «Բոլորին դեմ եմ» կուսակցության ակտիվիստները ԿԸՀ–ի նիստին եկել են Marvel–ի հերոսների կոստյումներով

ԵՐԵՎԱՆ, 3 մայիսի․/Նովոստի–Արմենիա/․ «Բոլորին դեմ եմ» կուսակցության ներկայացուցիչները Կենտրոնական ընտրական հանձնաժողովի նիստին ներկայացել են Marvel-ի հերոսների կոստյումներով։

Այսպես, կուսակցության լիազոր ներկայացուցիչը նիստին ներկայացել է Սարդ-մարդու (Spider-Man) կոստյումով, իսկ նրա կուսակիցները՝ Marvel-ի այլ կերպարներով։

Կեսժամյա ուշացումով նա ԿԸՀ-ից թույլտվություն է ստացել մասնակցելու նիստին։

ԿԸՀ այսօրվա նիստի օրակարգում են խորհրդարանական ընտրություններին մասնակցելու համար քաղաքական ուժերի գրանցումը, պատգամավորի թեկնածուների հաստատումը (նախընտրական ցուցակներից), վիճակահանությունը՝ ընտրական քվեաթերթիկներում քաղաքական ուժերի հերթական համարները որոշելու համար։

2026 թվականի հունիսի 7-ին կայանալիք ԱԺ ընտրություններին մասնակցելու նպատակով գրանցման փաստաթղթեր է ներկայացրել ընդհանուր առմամբ 19 քաղաքական ուժ (կուսակցություններ և դաշինքներ)։