Եվրոպական և ասիական մեդիաների ֆորումն Աստանայում ավելի քան 250 մասնակից կհավաքի

Եվրոպական և ասիական մեդիաների վեցերորդ ֆորումը (ԵԱՄՖ), որի անփոփոխ կազմակերպիչը «ՌԻԱ Նովոստի» մեդիահոլդինգն է, կանցկացվի նոյեմբերի 20-22-ն Աստանայում (Ղազախստան)՝ «Անկախության 20 տարիները՝ ԶԼՄ-ներն ու հանրությունը» կարգախոսով:

Ֆորումին կմասնակցեն ԱՊՀ, Բալթյան երկրների և Վրաստանի ԶԼՄ-ների ավելի քան 250 ներկայացուցիչներ, այդ թվում՝ ԶԼՄ-ների ղեկավարներ և հետխորհրդային տարածքի մեդիաարդյունաբերության ականավոր թոփ մենեջերներ, բլոգերներ, փորձագետներ, վերլուծաբաններ: Որպես հատուկ հյուր Աստանայում կայանալիք Ֆորումին հրավիրված է կինոռեժիսոր Նիկիտա Միխալկովը, հաղորդում է «ՌԻԱ Նովոստին»:

«Այս տարվա ԵԱՄՖ-ն օգտագործում է նոր տեսակի տեխնոլոգիաներ և մոտեցումներ, այն կհիշվի ոչ այնքան ժամանակակից տեխնոլոգիաների կիրառմամբ, որքան նոր ձևաչափերով: Օրինակ՝ ֆորումի ժամանակ ապագա ֆորումի թեմայի վերաբերյալ էլեկտրոնային քվեարկություն կանցկացվի, իսկ «Պատը պատին» բանավիճային  ձևաչափի օգնությամբ կորոշվի, թե արդյոք սոցիալական ցանցերի օգտվողները պատասխանատվություն պե՞տք է կրեն իրենց հաղորդագրությունների բովանդակության համար»,- պատմում է «ՌԻԱ Նովոստիի» գլխավոր խմբագիր Սվետլանա Միրոնյուկը: -0-