Ռուսաստանը պետք է ազնիվ խաղի ճանապարհով գնա ինչպես Երևանի, այնպես էլ Բաքվի հետ. փորձագետ
Ռուսաստանը պետք է ազնիվ խաղի ճանապարհով գնա ինչպես Երևանի, այնպես էլ Բաքվի հետ՝ նկատի առնելով երկու կողմերի շահերը, երեքշաբթի լրագրողներին ասաց Մ.Վ.Լոմոնոսովի անվան ՄՊՀ Հետխորհրդային տարածքի ուսումնասիրության տեղեկատվական-վերլուծական կենտրոնի գլխավոր տնօրեն Ալեքսեյ Վլասովը։
«Անկասկած, Ռուսաստանը պետք է տարածաշրջանում գլխավոր մոդերատորը լինի՝ պատմական պատճառներից ելնելով։ Բայց այդ մոդերատորությունը պետք է կառուցվի փոխադարձ և ազնիվ խաղի վրա, և սա միակ ճանապարհն է, որով պետք է գնա Ռուսաստանը Կովկասում»,- նշեց Վլասովը։
Նրա խոսքերով՝ Ռուսաստանի համար չկա առանձին Հարավային և Հյուսիսային Կովկաս՝ դա մի մեծ աշխարհառազմավարական տարածաշրջան է, որը և ձևավորում է Ռուսաստանի անվտանգությունը նրա հարավային սահմաններում։
«Ռուսաստանը Հարավային Կովկասում այսօր մրցակցային շատ լուրջ միջավայրում է՝ հաշվի առնելով տարածաշրջանում ԵՄ, ԱՄՆ-ի և Թուրքիայի ներկայությունը, և այն, որ նրանք ավելի գրավիչ որևէ բան կարող են առաջարկել, քան Ռուսաստանը»,- ասաց Վլասովը։
Նա նշեց, որ ռուսական պետությանն անհրաժեշտ է ոչ միայն պահպանել իր դիրքերը, այլ նաև ամրապնդել դրանք մշակութային, լեզվական և տնտեսական ոլորտներում։
«Նույնն էլ վերաբերում է Հայաստանի հետ Ռուսաստանի հարաբերություններին, որը մեր ռազմավարական դաշնակիցն է։ Եվ բանն այստեղ նույնիսկ ռազմաբազան չէ, այլ երկու երկրները կապող պատմական խորը հարաբերությունները»,- նշեց Վլասովը։ -0-
