ԱՊՀ երկրների երիտասարդ լրագրողների միջազգային ամառային դպրոցը կբացվի հունիսի 21-ին Մինսկում
Հունիսի 21-ին Մինսկում տեղի կունենա ԱՊՀ երկրների երիտասարդ լրագրողների միջազգային ամառային դպրոցի բացումը։ Միջոցառմանը, որը կազմակերպել է «ՌԻԱ Նովոստին»՝ ԱՊՀ մասնակից պետությունների Հումանիտար համագործակցության միջազգային հիմնադրամի աջակցությամբ, Համագործակցության զանազան բուհերից շուրջ 100 ուսանողներ և դասախոսներ կմասնակցեն։
ԱՊՀ երկրների ապագա լրագրողների համար ամեն տարի Ամառային դպրոցի անցկացումը Միջազգային լրատվության ռուսական գործակալության երիտասարդական մեդիա-նախագծերի թվին է պատկանում։ Առաջին անգամ այդ գաղափարն իրականացվել է 2006թ.-ին Վրաստանում։ Այնուհետև հերթականությամբ անցկացվել է Հայաստանում, Մոլդովայում, Ուկրաինայում, գրում է «ՌԻԱ Նովոստին»։
Այժմյան «Մեդիա-համագործակցություն 2010» միջազգային դպրոցը կնշի իր հնգամյա հոբելյանը։ Շաբաթվա ընթացքում Բելառուսում Հայաստանի, Ղազախստանի, Մոլդովայի, Ուկրաինայի, Բելառուսի, Ադրբեջանի և Ռուսաստանի Դաշնության ուսանողները կկարողանան ամբողջովին ընկղմվել ընդհանուր տեղեկատվական տարածքում և ծանոթանալ ոչ միայն միմյանց հետ, այլև ժամանակակից ԶԼՄ-ների նոր տեխնոլոգիաների հետ։ Նրանց այդ գործում կօգնեն բարձրակարգ «մարզիչները»:
Ամառային դպրոցում դասավանդելու համար «ՌԻԱ Նովոստին» հրավիրել է հայտնի հեռուստատեսային հաղորդավարների, լրագրողների, բլոգերների։ Նրանց թվում են՝ Մաքսիմ Շևչենկոն, Ալեքսանդր Գուրնովը, Լեոնիդ Մլեչինը, Նիկոլա Զլոբինը, Վիտալի Դիմարսկին։ Երիտասարդների առջև որպես նյուսմեյքեր հանդես են գալու Բելառուսի հանրապետության ղեկավարության ներկայացուցիչները։
Դպրոցի ծրագրում են ռուս փորձագետների և քաղաքագետների վարպետության դասերը, մուլտիմեդիոն պատմական պրակտիկան, մամուլի ասուլիսներ և ժամանակակից երիտասարդությանը հուզող թեմաներով կլոր սեղաններ։ -0-
