ՌԴ-ն ու Թուրքիան մտադիր են աջակցել Լեռնային Ղարաբաղի հիմնախնդրի կարգավորմանը
Մոսկվան ու Անկարան մտադիր են աջակցել կովկասյան տարածաշրջանում կայունության ամրապնդմանը, մասնավորապես ղարաբաղյան հակամարատության լուծմանը, չորեքշաբթի իր թուրք գործընկերոջ՝ Աբդուլա Գյուլի հետ բանակցություններից հետո հրավիրված ասուլիսի ժամանակ հայտարարել է ՌԴ նախագահ Դմիտրի Մեդվեդևը:
«Եվ, Ռուսաստանը, և Թուրքիան շահագրգռված են կովկասյան տարածաշրջանի կայունության ամրապնդմամբ, այդ թվում ղարաբաղյան հակամարտության լուծմամբ, և մեր կողմից՝ ես նկատի ունեմ Ռուսաստանի ԴԱշնությունը, առաջ կտանենք այդ գործընթացը , կօգտագործենք բոլոր հնարավորությունները, հեղինակությունն ու ազդեցությունը»,- ասաց Մեդվեդևը:
Ռուսաստանի առաջնորդը նշել է, որ բանակցությունների ընթացքում կողմերը քննարկել են միջազգային խնդիրները:
Մեդվեդևի խոսքերով, Ռուսաստանն ու Թուրքիան նույն դիրքորոշումն ունեն մերձարևելյան կարգավորման, ինչպես նաև իրաքյան իրավիճակի շուրջ:--0--
