ՀԱՊԿ զորավարժությունների առաջին փուլը մեկնարկել է Մոսկվայում

ՀԱՊԿ զորավարժությունների առաջին փուլը՝ «Արագ արձագանքման հավաքական ուժերի և ՀԱՊԿ անդամ-պետությունների Զինված ուժերի ռազմական համակազմերի պատրաստումն ու կիրառումը՝ հավաքական անվտանգության ապահովման նպատակով» թեմայով, մեկնարկել է Մոսկվայում, չորեքշաբթի միջոցառման բացման ժամանակ տեղեկացրել է կազմակերպության գլխավոր քարտուղարի տեղակալ Վալերի Սեմերիկովը:

«Այսօր մենք սկսում ենք համատեղ համալիր զորավարժությունների (ՀՀԶ) առաջին փուլը», - ասել է Սեմերիկովը, հաղորդում է «ՌԻԱ Նովոստին»:

Նրա խոսքերով, ըստ սցենարի, զորավարժությունների առաջին փուլում նախատեսվում է գնահատել ՀԱՊԿ երկրների անվտանգության սպառնալիքներն ու մշակել առաջարկություններ՝ «ՀԱՊԿ մարմինների կողմից տարածաշրջանում իրավիճակի կարգավորման վերաբերյալ որոշում ընդունելու մասին»:

Նա նշել է, որ զորավարժությունների հիմնական նպատակն է ներկայացնել ՀԱՊԿ պետությունների միասնությունն ու սպառնալիքներին և համատեղ մարտահրավերներին արագ արձագանքելու՝ կազմակերպության անդամ-երկրների հնարավորությունները:

Սեմերիկովը նշել է, որ զորավարժությունների ընթացքում «նախատեսվում է նաև ուղղել գոյություն ունեցող կամ մշակել իրավանորմատիվային բազան», որն ապահովում է Արագ արձագանքման հավաքական ուժերի (ԱԱՀՈՒ) գործունեությունը:

ՀԱՊԿ գլխավոր քարտուղարի մամուլի քարտուղար Վիտալի Ստրուգովեցն իր հերթին հիշեցրել է, որ զորավարժությունները կանցկացվեն երեք փուլով, որոնցից երկրորղը կանցկացվի սեպտեմբերի 19-ից 28-ը Բելառուսում: Նա նշել է, որ զորավարժությունների երկրորդ փուլի ընթացքում կմշակվի ՀԱՊԿ պետությունների Զինված ուժերի ռազմական համակազմերի փոխգործակցությունը, սակայն այս փուլում ԱԱՀՈՒ-ն չի մասնակցի:

Նրա խոսքերով, ԱԱՀՈՒ-ն կմասնակցի Միջինասիական տարածաշրջանում, զորավարժությունների երրորդ փուլի ընթացքում:-0-