Հայաստանի քաղաքացու առևանգման մեջ կասկածվող չորս գործազուրկները ձերբակալվել են Մոսկվայում

Օպերատիվ հետախուզության աշխատողները չորեքշաբթի Մոսկվայում ձերբակալել են չորս գործազուրկի, ովքեր կասկածվում են Հայաստանի քաղաքացու առևանգման մեջ, հինգշաբթի «ՌԻԱ Նովոստիին» է տեղեկացրել Մոսկվայի իրավապահ մարմինների աղբյուրը:

Նրա խոսքերով, հունիսի 5-ին չորս անհայտ անձինք առևանգել են Հայաստանի մի քաղաքացում Մոսկվայի Շերեմետյովսկի փողոցում: Հետագայում Հայաստանի քաղաքացուն հաջողվել է ինքնուրույն ազատվել նրանցից:

«Ոստիկանները Կրոնշտադտսկի ծառուղու մոտ գտնվող տներից մեկի բնակարանում ձերբակալել են չորս գործազուրկների՝ մարդու առևանգման կասկածանքով: Ձերբակալվածներից երեքը նախկինում դատված են եղել», - ասել է գործակալության զրուցակիցը:

Նա նշել է, որ սույն փաստի առթիվ հարուցվել է քրեական գործ ՌԴ ՔՕ 126 –րդ հոդվածի 2-րդ մասի (մարդու առևանգում) հատկանիշներով, որը մինչև 15 տարի ազատազրկում է նախատեսում:-0-