ՌԴ միլիցիայի աշխատակիցները որոնում են կովկասյան արտաքինով անհայտ անձին, ով երեքշաբթի երեկոյան կողոպտել է ՌԴ նախագահի գործերի վարչության պոլիկլինիկայի բժշկին, չորեքշաբթի տեղեկացրել է Մոսկվայի իրավապահ մարմինների աղբյուրը, հաղորդում է «ՌԻԱ Նովոստին»:
«Երեկ երեկոյան Մոսկվայի ՆԳՔՎ-ի հերթապահ բաժանմունք է դիմել ՌԴ նախագահի գործերի վարչության պոլիկլինիկայի բժիշկը՝ հայտարարելով, որ Մոսկվայի ժամանակով մոտավորապես ժամը 17:00-ին Միչուրինսկի պողոտայի առաջին մասնաշենքի 4-րդ տան մոտակայքում կովկասյան արտաքինով մի անձ կոտրել է Volskwagen Bora ավոմեքենայի կողային հայելին, որը նա վարում է լիազորագրով, և մեքենայից հափշտակել է պայուսակը», - պատմել է գործակալության զրուցակիցը:
Նրա խոսքերով՝ գողացված պայուսակում կար 50 հազ. ռուբլի, բջջային հեռախոս և անձնական փաստաթղթեր: Նյութական վնասը կազմել է 125 հազ. ռուբլի:
Սույն փաստի առթիվ հարուցվել քրեական գործ ՌԴ ՔՕ 161-րդ հոդվածի (կողոպուտ) հատկանիշներով: Թեժ հետքերով որոնումներն արդյունքներ չեն տվել: Այժմ իրականացվում են հետագա օպերատիվ-հետախուզական միջոցառումները:-0-
