Զոհված հոկեիստ Ալեքսեյ Չերեպանովի հիշատակին աստղ է անվանակոչվել

Ուրբաթ՝ հոկեիստ Ալեքսեյ Չերեպանովի մահվան 40-րդ օրը «Ավանգարդ» ՀԱ-ն (Օմսկ) հավաստագիր կստանա նրա անվամբ աստղ անվանակոչելու մասին, հաղորդում է ակումբի կայքը։

Օմսկից հոկեյի 19-ամյա «աստղ» Ալեքսեյ Չերեպանովը հանկարծամահ եղավ հոկտեմբերի 13-ին խաղի ժամանակ։ Դատաբժշկական փորձագիտության եզրակացության համաձայն, մահվան պատճառը սրտի անբավարարվածությունն էր։

Ըստ «Ավանգարդի» տեղեկատվության, «Տիեզերք-Երկիր» միության հավաստագրում ասվում է. «Նոյեմբերի 21-ին 13-րդ մեծության աստղին Միջազգային աստղային կատալոգում տրվել է «Չերրի աստղիկ» անունը՝ Ալեքսեյ Չերեպանովի պատվին (Չերրին Չերեպանովի մականունն էր)»։

Կայքում հաղորդվում է, որ հավաստագրի կրկնօրինակը կհանձնվի ծնողներին, իսկ բնօրինակը կտեղադրվի Չերեպանովի թանգարանում, որն առաջիկայում կբացվի «Արենա-Օմսկում»։ Թանգարանում կլինեն նաև լուսանկարներ և հոկեիստի ինքնագրերով իրեր՝ մականներ, տափօղակներ, շարֆեր, որոնք նա նվիրել է երկրպագուներին։ -0-