Բրիտանական HSBC բանկը Վրաստանում բանկային գործունեության իրականացման լիցենզիա է ստացել, տեղեկացնում է «Նովոստի-Վրաստանը»՝ հղում անելով Վրաստանի ազգային բանկին։
Ազգային բանկի նախագահ Ռոման Գոցիրիձեն համապատասխան փաստաթղթերը փոխանցել է «HSBC bank Georgia» ԲԸ տնօրեն Ստիվեն Բենեթին։
«HSBC bank Georgia»-ն որպես վերահսկողական կապիտալ արդեն 10 միլիոն դոլար է փոխանցել Վրաստանի ազգային բանկի համապատասխան հաշվին։
Թբիլիսիի Ռուստավելի պողոտայի վրա գտնվող բանկի գլխավոր գրասենյակում այժմ իրականացվում են կահավորման աշխատանքներ։
HSBC-ն վրացական բանկային շուկա մուտք գործելու որոշումն ընդունել է վերջին տարում այդ շուկայի դինամիկայի ուսումնասիրությունից հետո։
«Մենք ծրագրում ենք Վրաստանում ստեղծել բարձր միջազգային կարգի բանկ, որը կմասնակցի Վրաստանում ֆինանսական ծառայության սեկտորի զարգացմանը», - հայտարարել է Ստիվեն Բենեթը։
Վրաստանի ազգային բանկի նախագահ Ռոման Գոցիրիձեն իր հերթին նշել է, որ Վրաստանում HSBC-ի դուստր բանկի բացումը դրական ազդեցություն կունենա երկրի ներդրումային միջավայրի վրա՝ ընդհանրապես և մասնավորապես՝ բանկային համակարգի, որը լրացուցիչ կապիտալի և վարկային ռեսուրսների կարիք ունի։
2006 թ.-ի տվյալներով՝ HSBC-ին զբաղեցրել է չորրորդ տեղը աշխարհի խոշորագույն բանկերի ցուցակում (բրիտանական «Euromoney» հրատարակության վարկանիշով)։ 2006 թ.-ի դեկտեմբերի 31-ին տվյալներով նրա ակտիվների ծավալը կազմել է 862.7 միլիարդ դոլար--0—
