ԵՐԵՎԱՆ, 17 մարտի. /Նովոստի-Արմենիա/. Հայաստանի վարչապետ Նիկոլ Փաշինյանը կիսվել է նախօրեին Արարատի մարզ կատարած այցի տպավորություններով:
«Արարատի մարզի Ռանչպար գյուղ կատարած այցից ծանր տպավորություններով վերադարձա: Գիտեի, որ այցի արդյունքներով ինչ-որ հետևություն պիտի անեմ, ինչ-որ բան պիտի ասեմ: Նախ մտածեցի գրառում անել, բայց հասկացա, որ գրառումով չեմ կարողանա ասել այն ամենը, ինչ ուզում եմ ասել: Ապա՝ մտածեցի ուղիղ եթեր մտնել, բայց հասկացա, որ ուղիղ եթերում էլ ասելիքս կաղալու է»,- գրել է նա Facebook-ի իր էջում:
Արդյունքում Փաշինյանը գրել է «Ռանչպար» վերնագրով բանաստեղծություն, որով արտահայտել է իր տպավորությունները գյուղ կատարած այցից:
«Սա, իհարկե, զրույց է մարդկանց հետ, նաև՝ անելիքի ամփոփ ծրագիր, նաև հանձնարարական պետական բոլոր մարմիններին՝ իրենց անելիքի էության ու բնույթի մասին»,- գրել է վարչապետը:
Նախօրեին նա չնախատեսված այց է կատարել Արարատի մարզի երկու գյուղ, տեղում ծանոթացել գյուղացիների առօրյային և ապրելակերպին: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում