Նոր ձերբակալություններ ՊՆ–ում. թերթ

ԵՐԵՎԱՆ, 31 մայիսի. /Նովոստի–Արմենիա/. Նախօրեի երեկոյան ՀՀ պաշտպանության նախարարությունում նոր ձերբակալություններ են եղել, գրում է «ժողովուրդ» թերթը` հղում անելով լավատեղյակ աղբյուրներին։

Թերթի տեղեկություններով՝ ձերբակալվածների թվում են ՀՀ զինված ուժերի սպառազինության վարչության պետ, գեներալ-մայոր Մելս Չիլինգարյանը, ՀՀ ԶՈւ սպառազինության վարչության ավտոծառայության պետ, գնդապետ Դավիթ Աբրահամյանը և Մհեր Պապյանը, որի ճշգրիտ պաշտոնը պարզ չէ։ Բոլոր ձերբակալվածները նախկին պաշտոնյաներ են, այսինքն՝ ՊՆ գործող որևէ պաշտոնյա դեռ պատասխանատվության չի ենթարկվել։

Պարբերականը հիշեցնում է, որ ՀՀ քննչական կոմիտեում քննվող քրեական գործով ՀՀ ՋՈւ սպառազինության վարչության ավտոծառայության պետ, գնդապետ Դավիթ Աբրահամյանին մեղադրանք էր առաջադրվել ՀՀ քրեական օրենսգրքի 375-րդ հոդվածի 3-րդ մասով՝իշխանությունը I չարաշահելու համար, ինչն առաջացրել է նյութական ծանր հետևանքներ։

Դավիթ Աբրահամյանը մեղադրվում է այն բանում, որ ընդգրկված լինելով ՀՀ ԶՈՒ սպառազինության վարչության մշտական գործող հանձնաժողովի կազմում՝ շահադիտական դրդումներով այնպեսէ արել, որ կնքված պայմանագրերին կից տեխնիկական բնութագրերին չհամապատասխանող գործիքներն ու սարքավորումներն ընդունվեն հանձնաժողովի կողմից։

«Ժողովուրդ» օրաթերթն ավելի վաղ հայտնել էր, որ վերը նշված գեներալների պաշտոնանկության հարցում որոշիչ դերակատարություն են ունեցել ՀՀ նախագահի վերահսկոդակաև ծառայության կողմից ՀՀ ՊՆ-ում անցկացված ստուգման արդյունքները։

Եվ պաշտոնանկությունների հարցում առանցքային դերակատարներից մեկը եղել է ՀՀ գլխավոր դատախազ Գևորգ Կոստանյանը, որն անձամբ է Սերժ Սարգսյանին զեկուցել կոռումպցիոն սխեմայի մասին։

Պարբերականն ավելացնում է, որ ձերբակալվածները միայնակ, առանց բարձրադիր գեներալների աջակցության չէին կարող հանցանք գործել։ Ըստ այդմ թերթը նոր մանրամասներ կներկայացնի։ -0-