Նախորդ շաբաթվա կարևոր նորությունների հնգյակը (մարտի 11–15)
16.03.2019,
10:30
Ներկայացնում ենք նախորդ շաբաթվա կարևոր նորությունների հնգյակը (մարտի 11–15)։
ԵՐԵՎԱՆ, 16 մարտի./Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը (մարտի 11–15)։
- Մոտ 3 օր է` Օպերայի սրճարանների հարակից տարածքում լարված իրավիճակ էր։ Ընթանում էին սրճարանների ապամոնտաժման աշխատանքներ, ինչն առաջացրել էր դրանց սեփականատերերի դժգոհությունը: Մոտ մեկ ամիս առաջ Երևանի քաղաքապետարանը հայտնել էր Օպերայի ազգային ակադեմիական թատրոնին հարող սրճարանները և ռեստորանները վերացնելու և այդ տարածքում կանաչ գոտին վերականգնելու մասին։ Մասնավորապես, Օպերային թատրոնի հարևանությամբ Ազատության հրապարակին հարող հողատարածքներ վարձակալած տնտեսվարող սուբյեկտներն իրազեկում են ստացել քաղաքապետարանի համապատասխան դեպարտամենտից։
- Մարտի 12–ին Ստեփանակերտում կայացավ Հայաստանի և Արցախի Անվտանգության խորհուրդների համատեղ նիստը, որի ժամանակ Հ ՀՀ վարչապետ Նիկոլ Փաշինյանը նշեց, որ Արցախի ներգրավվածությունը բանակցային գործընթացում քմահաճույք կամ նախապայման չէ, և բանակցային գործընթացի արդյունավետության առումով այս հարցն առանցքային նշանակություն ունի։
- ՀՀ երկրորդ նախագահ Ռոբերտ Քոչարյանի կալանքը երկարաձգվեց երկու ամսով։
- Արցախի ԱԳՆ–ն կոչ արեց հրաժարվել ղարաբաղյան հակամարտության կարգավորման հնացած սկզբունքներից։
- ՀՀ վարչապետ Նիկոլ Փաշինյանը մարտի 13–ին ընդունել է Վրաստանի նախագահ Սալոմե Զուրաբիշվիլիին, ով Հայաստան է ժամանել երկօրյա պաշտոնական այցով։–0–
Պատճենել հղումը
