Մոպեդները, տրիցիկլները և քվադրիցիկլները կներառվեն ԱՊՊԱ դաշտում․ նախագիծ
ԵՐԵՎԱՆ, 2 մարտի․/Նովոստի-Արմենիա/․ Առաջարկում ենք մոպեդները, տրիցիկլները և քվադրիցիկլները ևս բերել պարտադիր ապահովագրության դաշտ։
Այս մասին ԱԺ պաշտպանության և անվտանգության հարցերի մշտական հանձնաժողովի հերթական նիստում հայտնել է ՀՀ ՆԳՆ փոխնախարար Արմեն Ղազարյանը։
Նշվում է, որ հաշվի է առնվում վերջին շրջանում ճանապարհային երթևեկության մեջ այս տեսակի տրանսպորտային միջոցների քանակի ավելացման փաստը։
ՀՀ ՆԳՆ փոխնախարար Արմեն Ղազարյանը ներկայացրել է «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» oրենքում փոփոխություններ և լրացում կատարելու մաuին օրենքի նախագիծը:
«Երեկվա՝ մարտի 1-ի դրությամբ երկրում հաշվառված է 2594 երկանիվ մոպեդ, 29 եռանիվ մոպեդ, 127 տրիցիկլ եւ քվադրիցիկլ», -նշել է Ղազարյանը:
Հանձնաժողովը դրական եզրակացություն է տվել նախագծին: Այն նախատեսվում է ընդգրկել ԱԺ առաջիկա հերթական նիստերի օրակարգի նախագծում:
