ՃՈ աշխատակիցները կրծքի վրա փոքրիկ տեսանկարահանող սարք են կրելու. թերթ

ԵՐԵՎԱՆ, 1 սեպտեմբերի. /Նովոստի-Արմենիա/. Սեպտեմբերի 1-ից ճանապարհային ոստիկանության աշխատակիցներն աշխատանքային պարտականությունները կատարելիս իրենց կրծքի աջ հատվածում կկրեն փոքրիկ տեսանկարահանող սարքեր, գրում է «Ժողովուրդ» թերթը՝ հղում անելով սեփական աղբյուրներին:

Ինչպես գրում է թերթը, գաղափարի նպատակը պատասխանատու անձինք դեռևս չեն ցանկանում բացատրել։

ՃՈ պետ Արման Հակոբյանը նախօրեին թերթի լրագրողի հետ զրույցում միայն հայտնել է, որ այս հարցով դեռ վերջնական որոշում չկա, որ այդ նորամուծությունը կգործի սեպտեմբերի 1-ից՝ հրաժարվելով այլ հարցերի պատասխանել:

«Մինչդեռ կարելի է ենթադրել, որ «գայիշնիկներին» վերահսկելու նոր եղանակ են մտածել»,–գրում է թերթը։ -0-