Հինգշաբթի՝ մայիսի 12-ի առավել ուշագրավ նորությունները

08:00

13 Մայիսի 2016

ԵՐԵՎԱՆ, 13 մայիսի. /Նովոստի–Արմենիա/. «Նովոստի-Արմենիա» գործակալությունը ներկայացնում է հինգշաբթի՝ մայիսի 12-ի առավել ուշագրավ նորությունների իր տարբերակը։

«Արսենալը» Հենրիխ Մխիթարյանին առաջարկել է տարեկան 8 մլն ֆունտ ստերլինգ աշխատավարձ (ավելի քան 10 մլն եվրո): Եթե 27-ամյա ֆուտբոլիստն ընդունի այդ առաջարկը, ապա կդառնա թիմի ամենաբարձր վարձատրվող ֆուտբոլիստը:

ԼՂՀ ՊԲ զինծառայողը զոհվել է հակառակորդի կրակոցից ԵԱՀԿ առաքելության կողմից իրականացված դիտարկումից ընդամենը ժամեր անց:

Հայաստանի Ազգային ժողովը հինգշաբթի արտահերթ նիստի ժամանակ երկրորդ և վերջնական ընթերցմամբ ընդունել է «Կուտակային կենսաթոշակների մասին» օրենքում առաջարկվող փոփոխությունները, որոնք նախատեսում են մեկ տարով հետաձգել օրենքի պարտադիր ներդրումը` մինչև 2018 թ.-ի հուլիսի 1-ը:

Հայաստանում դեղորայքի մեծ մասը կվաճառվի բաղադրատոմսով, հինգշաբթի լրագրողներին ասաց ՀՀ առողջապահության նախարար Արմեն Մուրադյանը: «Ամբողջ քաղաքակիրթ աշխարհում դեղորայքի վաճառքն իրականացվում է հենց այս մեթոդով: Դեղորայքի չկարգավորվող սպառումը վնասակար է առողջության համար», - ասաց նա։

ՌԴ ԱԳՆ ղեկավար Սերգեյ Լավրովը մտադիր է մասնակցել մայիսի 16–ին Վիեննայում Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպմանն ԱՄՆ–ի և Ֆրանսիայի արտաքին քաղաքական գերատեսչությունների ղեկավարներ Ջոն Քերիի և Ժան Մարկ Էյրոյի հետ միասին։

Լեռնային Ղարաբաղի Հանրապետության օմբուդսմեն Ռուբեն Մելիքյանը բաց նամակ է ուղղել Եվրոպայի հեռարձակման միությանը «Եվրատեսիլ 2016» երգի միջազգային մրցույթում ԼՂՀ–ի դրոշի ծածանման վերաբերյալ պատժամիջոցների կիրառման սպառնալիքների կապակցությամբ։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Հայաստան #ուշագրավ նորություններ #ամփոփում

Новости СМИ2

Partners News

Թեմատիկ նյութեր