Հինգշաբթի` հունիսի 2–ի առավել ուշագրավ նորությունները
03.06.2016,
08:00
«Նովոստի–Արմենիա» գործակալությունը ներկայացնում է հինգշաբթի` հունիսի 2–ի առավել ուշագրավ նորությունների իր տարբերակը։
ԵՐԵՎԱՆ, 3 հունիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է հինգշաբթի` հունիսի 2–ի առավել ուշագրավ նորությունների իր տարբերակը։
- «Մանչեսթեր Յունայթեդը» միացել է Հայաստանի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանին ձեռք բերելու պայքարին։
- Երևանում փոխգնդապետ է ձերբակալվել առանձնակի խոշոր չափի կաշառք ստանալու ժամանակ։ Ավելի ուշ մանրամասներ են ներկայացվել տվյալ փաստով։
- Նախօրեին ժամը 22:30-ի սահմաններում Վարդենիս քաղաքի Կամոյի փողոցի բնակիչ, 41-ամյա Ոսկան Աղաջանյանը Երևան-Սևան ավտոճանապարհի 43-րդ կմ հատվածում դեպի Սևան ընթանալիս իր վարած Mitsubishi Pajero IO մակնիշի ավտոմեքենայով դուրս է եկել ճանապարհի երթևեկելի գոտուց, հայտնվել բաժանարար գոտու կանաչ հատվածում և բախվել երկաթե հսկայական գովազդային վահանակին:
- Ձերբակալվել է նախօրեին Երևանի Նար-Դոս և Վարդանանց փողոցների խաչմերուկում տաքսու վարորդին դաժանաբար սպանած կասկածյալը։
- Գերմանիայի Բունդեսթագն ընդունեց 1915 թ.–ին Օսմանյան կայսրությունում տեղի ունեցած Հայոց ցեղասպանության ճանաչման բանաձևը։ Բունդեսթագի անդամները որոշումն ընդունեցին ծափահարություններով։ Միաժամանակ, այս րոպեներին Բունդեսթագի շենքի առաջ կազմակերպված ակցիայի մասնակիցները, որոնք կողմ են բանաձևի ընդունմանը, որոշումն ընդունեցին ծափահարություններով և հայկական ազգային պարերով։ Պետք է նշել, որ բանաձևի ստորագրումը համընկել է հայ վրիժառու Սողոմոն Թեհլերյանի արդարացման օրը։ -0-
Պատճենել հղումը
