«Մանչեսթեր Յունայթեդը» միացել է Մխիթարյանի համար պայքարին

ԵՐԵՎԱՆ, 2 հունիսի. /Նովոստի–Արմենիա/. «Մանչեսթեր Յունայթեդը» միացել է Հայաստանի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանին ձեռք բերելու պայքարին, հաղորդում է armfootball.com–ը` հղում անելով dailystar.co.uk–ին։

Հրատարակությունը նշում է, որ հայ ֆուտբոլիստի անունն ամեն կերպ կապում են Լոնդոնի «Արսենալի» հետ, մինչդեռ բրիտանական մի շարք ԶԼՄ-ներ այսօր տեղեկություն են տարածել, որ խաղացողին ձեռք բերելու պայքարին են միացել նաև «Տոտենհեմը», «Չելսին», «ՊՍԺ»–ն և «Յուվենտուսը»։

Մխիթարյանի գործող պայմանագրի ժամկետը Դորտմունդի «Բորուսիայի» հետ ավարտվում է 2017 թվականի ամռանը, և ըստ գերմանական Bild-ի` խաղացողը չի պատրաստվում է երկարաձգել այն:–0–