Հայուհի Անահիտ Փիլոսյանը տարվա բուժքույր է ճանաչվել Իրանում

ԵՐԵՎԱՆ, 17 փետրվարի. /Նովոստի–Արմենիա/. Իրանական Իսպահան գավառի «Ալ Զահրա» ուսուցման և բժշկության կենտրոնի աշխատակցուհի, հայ բուժքույր Անահիտ Փիլոսյանը Իսպահանի հիվանդների խնամքի համակարգի կազմակերպության կողմից ճանաչվել է իրանական 1395 թվականի (2016 թվականի), օրինակելի բուժքույր, գրում է norjugha.irկայքը։

Փիլոսյանն արժանացել է լավագույն բուժքրոջ կոչման բարձրակարգ մասնագիտական հմտությունների, հիվանդների նկատմամբ հոգատարության և աշխատանքում ցուցաբերած բարեխղճության և ուշադրության համար։

Անահիտ Փիլոսյանը ծնվել է 1976 թվականին Ախվազ քաղաքում, որտեղ ապրել է մինչև 2000 թվականը։ Փիլոսյանը դպրոցական կրթությունը ստացել է «Կարուն» հայկական դպրոցում, այնուհետև «Րաֆֆի» և «Էֆաթ» դպրոցներում։

2000 թվականին Փիլոսյանն ավարտել է Աղվազի ազատ համալսարանը, 2001 թվականից աշխատում է «Ալ Զահրա» կենտրոնում։ -0-