Հայտնի է ՍԴ նոր նախագահի անունը
ԵՐԵՎԱՆ, 6 նոյեմբերի․/Նովոստի–Արմենիա/․ «Քաղաքացիական պայմանագիր» իշխող խմբակցության նախկին պատգամավոր, դատավոր Վլադիմիր Վարդանյանն ուրբաթ կայացած փակ գաղտնի քվեարկության արդյունքներով ընտրվել է Հայաստանի Սահմանադրական դատարանի նոր նախագահ, հայտնում է ՀՀ ՍԴ մամուլի ծառայությունը:
Նրա նախորդը՝ Արման Դիլանյանը, Հայաստանի Սահմանադրական դատարանի նախագահ էր ընտրվել 2020 թվականի հոկտեմբերի 12-ին՝ վեց տարի ժամկետով: Նրա լիազորություններն այդ պաշտոնում ավարտվել են 2026 թվականի հոկտեմբերի 12-ին:
Հայաստանի Սահմանադրության համաձայն՝ ՍԴ նախագահն ընտրվում է դատարանի դատավորների կողմից իրենց կազմից՝ վեց տարի ժամկետով, առանց վերընտրվելու իրավունքի: Նախագահական լիազորությունների ավարտից հետո Դիլանյանը շարունակել է աշխատանքը՝ որպես ՍԴ դատավոր:
Հոկտեմբերի 14-ին տեղի են ունեցել ՍԴ նոր նախագահի ընտրությունները, սակայն թեկնածուներից որևէ մեկը չի ստացել անհրաժեշտ թվով ձայներ: Նախագահի ընտրության հարցով հաջորդ նիստը նշանակվել էր 2026 թվականի նոյեմբերի 6-ին:
