Հայաստանի տարածքում ճանապարհներն անցանելի են

ԵՐԵՎԱՆ, 18 դեկտեմբերի. /Նովոստի–Արմենիա/. ՀՀ տարածքում ավտոճանապարհները դեկտեմբերի 18-ի ժամը 11.00-ի դրությամբ հիմնականում անցանելի են, հայտնում է ՀՀ տարածքային կառավարման և արտակարգ իրավիճակների նախարարությունը։

Ըստ հաղորդագրության, դժվարանցանելի է միայն Սոթք-Քարվաճառ ավտոճանապարհը: Ապարանի տարածաշրջանում մառախուղ է` տեսանելիությունը 40-50մ:

Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին կատարում են աղով և ավազով մշակման աշխատանքներ:

«Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար անվաշղթաների կիրառման դեպքում»,– նշվում է հաղորդման մեջ։ -0-