Հայաստանի ներկայացուցիչը «Մանկական Նոր ալիք 2016» -ին առաջին փուլից հետո հավաքեց գրեթե առավելագույն միավորները

ԵՐԵՎԱՆ, 13 օգոստոսի. /Նովոստի-Արմենիա/. «Մանկական Նոր ալիք 2016» միջազգային երգի մրցույթին Հայաստանը ներկայացնող Միշան (Միքայել Գրիգորյան) առաջին փուլում ստացավ գրեթե առավելագույն միավորները:

Միշան, ով ծնունդով Արցախից է, կատարել է «Փոքրիկ ղարաբաղցին» երգը:

Մրցութային օրը նա հավաքել է 87 միավոր՝ ժյուրիի ութ անդամներից յոթը պատանի երգչին շնորհել են առավելագույն 11 միավոր, իսկ ութերթրդը՝ 10:

Մրցութային երկրորդ օրը Միշան կկատարի համաշխարհային «Uptown Funk» հիթը:

Հայաստանի հանրային հեռուստաընկերությունը՝ «Մանկական Նոր ալիք 2016»-ի պաշտոնական հեռարձակողն է: Կանոնների համաձայն, մրցույթի հեռուստատեսային տարբերակը կցուցադրվի մրցույթի ավարտից հետո:

Առաջին անգամ «Մանկական Նոր ալիքը» անցկացվել է Մոսկվայում 2008 թ.-ին: Այն մեծ հաջողություն ունեցավ, իսկ 2009 թ.-ին միջոցառման կազմկոմիտեն ստացել է ավելի քան 4 հազար դիմում: 2010 թ.-ին մրցույթը տեղափոխվել է «Արտեկ»:

Միջոցառման կազմկոմիտեի աշխատանքի կարևորագույն ուղղություններից մեկը բարեգործական ծրագրի իրականացնումն է, այն է` շնորհալի երեխաների հայտնաբերման, աջակցման և զարգացման համակարգի ձևավորումը:

Մրցույթի եզրափակիչը տեղի է ունենում Ղրիմի «Արտեկ» կենտրոնում օգոստոսի 11-13-ը: -0-